سری نگر؍۳اکتوبر
جنوبی کشمیر کے کولگام ضلع کے دمحال ہانجی پورہ علاقے میں تیندوے کے حملے میں سات سالہ بچی زخمی ہوگئی، حکام نے بتایا۔
ایک عہدیدار نے بتایا کہ کولگام کے دمحال ہانجی پورہ میں تیندوے کے حملے میں بچی زخمی ہوئی۔ خبر رساں ایجنسی کے این او کے مطابق، بچی کو خصوصی طبی نگہداشت کے لیے ایس کے آئی ایم ایس سری نگر منتقل کیا گیا۔
عہدیدار نے بتایا کہ زخمی بچی کی شناخت شاہدہ اختر (۷)دختر رافعہ کلس، ساکن ڈی ایچ پورہ، کولگام کے طور پر ہوئی ہے۔
ادھر اس واقعے کے بعد علاقے میں تشویش کی لہر دوڑ گئی ہے، جبکہ مقامی لوگوں نے حکام سے مطالبہ کیا ہے کہ تیندووں کے مزید حملوں کی روک تھام کے لیے فوری اقدامات کیے جائیں۔
۔۔۔۔۔۔۔(ایجنسیاں )
