سرینگر؍۳؍ اکتوبر
ریلوے اور جل شکتی کے مرکزی وزیر مملکت وی سومنا نے آج لوک بھون میں جموں و کشمیر کے لیفٹیننٹ گورنر منوج سنہا سے ملاقات کی۔
دریں اثنا، روٹری کلب آف کشمیر کے صدر ڈاکٹر توصیف بھٹ نے بھی آج لیفٹیننٹ گورنر منوج سنہا سے ملاقات کی اور انہیں نوجوانوں کو بااختیار بنانے، ماحولیاتی تحفظ اور سماجی خدمت سے متعلق اہم امور کے علاوہ خطے میں روٹری انٹرنیشنل کے جاری اور مجوزہ منصوبوں کے بارے میں آگاہ کیا۔
ان کے ہمراہ روٹیرین عرفان گوجو اور سجاد شاہ بھی موجود تھے۔
کشمیر چیمبر آف کامرس اینڈ انڈسٹری کے صدر جاوید احمد ٹینگا نے بھی آج لیفٹیننٹ گورنر سے ملاقات کی اور مرکز کے زیر انتظام علاقے میں تجارت اور برآمدی شعبوں کے فروغ سے متعلق امور پر تبادلہ خیال کیا۔ ان کے ہمراہ کے سی سی آئی کے ایگزیکٹو رکن زبیر مہاجن بھی موجود تھے۔
اس موقع پر جموں و کشمیر سے تعلق رکھنے والی نوجوان بی جے پی رہنما اور بین الاقوامی امور و اقوام متحدہ کی مندوب سحر خان نے بھی لیفٹیننٹ گورنر منوج سنہا سے ملاقات کی۔
۔۔۔۔۔۔۔(ڈی آئی پی آر)
