نیپال نے افغانستان کو 5 وکٹ سے شکست دی

نِشین (جاپان)، 25 ستمبر (یو این آئی) کُشل بھُرتیل (4 وکٹ) اور للت راج ونشی (3 وکٹ) کی شاندار گیند بازی کے بعد روہت پوڈیل (ناٹ آؤٹ 33) رن اور سندیپ جورا (34) رن کی عمدہ کارکردگی کی بدولت نیپال نے ایشیائی کھیلوں کے مردوں کے کرکٹ مقابلے میں افغانستان کو 16 گیند باقی رہتے ہوئے 5 وکٹ سے شکست دے دی۔
103 رن کے ہدف کا تعاقب کرنے اتری نیپال کی شروعات اچھی نہیں رہی اور اس نے محض 12 رن پر اپنے 2 وکٹ گنوا دیے۔ اس کے بعد کُشل ملا اور سندیپ جورا نے اننگز کو سنبھالنے کی کوشش کی۔ دونوں کے درمیان 19 رن کی شراکت ہوئی۔ 7ویں اوور میں کُشل ملا (9) کے رن آؤٹ ہونے پر یہ شراکت ٹوٹ گئی۔ اس کے بعد 10ویں اوور میں سندیپ جورا بھی رن آؤٹ ہوگئے۔ سندیپ جورا نے 35 گیندوں میں 3 چوکے اور ایک چھکا لگاتے ہوئے 34 رن کی اننگز کھیلی۔
18ویں اوور کی پہلی گیند پر کپتان دیپیندر سنگھ ایری (15) رن بنا کر آؤٹ ہوئے۔ انہوں نے روہت پوڈیل کے ساتھ 5ویں وکٹ کے لیے 46 رن جوڑ کر نیپال کی جیت یقینی بنائی۔ نیپال نے 17.2 اوور میں 5 وکٹ پر 103 رن بنا کر مقابلہ 5 وکٹ سے اپنے نام کرلیا۔ روہت پوڈیل نے 32 گیندوں میں 4 چوکوں کی مدد سے ناٹ آؤٹ 33 رن بنائے۔ افغانستان کی جانب سے فریدون داؤد زئی، عبداللہ احمد زئی اور عرب گل نے ایک ایک بلے باز کو آؤٹ کیا۔
اس سے پہلے آج یہاں افغانستان نے ٹاس جیت کر پہلے بلے بازی کرتے ہوئے مقررہ 20 اوور میں 7 وکٹ پر 102 رن بنائے۔ فیصل خان احمد زئی (30)، نجیب اللہ زدران (30) اور نانگیلیا کھروٹے (17) نے رن بنائے۔ نیپال کی گیند بازی کے سامنے افغانستان کے 5 بلے باز دُہرے ہندسے تک بھی نہیں پہنچ سکے۔ نیپال کے لیے کُشل بھُرتیل نے 21 رن دے کر 4 وکٹ حاصل کیے۔ للت راج ونشی نے 13 رن دے کر 3 وکٹ جھٹکے۔