وزیر اعظم کل چنئی میں 44 ویں شطرنج اولمپیاڈ کے افتتاح کا اعلان کریں گے

نئی دہلی // وزیر اعظم نریندر مودی کل چنئی میں جے ایل این انڈور اسٹیڈیم میں منعقد کئے جانے والے عظیم الشان پروگرام میں 14ویں شطرنج اولمپیاڈ کے افتتاح کا اعلان کریں گے۔ نوجوانوں کے امور اور کھیلوں کے مرکزی وزیر انوراگ ٹھاکر بھی اس تقریب کی زینت بنیں گے۔
وزیر اعظم نے 19 جون 2022 کو پہلی بار نئی دہلی کے اندرا گاندھی نیشنل اسٹیڈیم میں شطرنج اولمپیاڈ ٹارچ ریلے کا افتتاح بھی کیا تھا۔ اس ٹارچ نے 40 دن کی مدت میں ملک کے 75 مشہور مقامات کا سفر کیا اور سوئٹزرلینڈ کے ایف آئی ڈی ای ہیڈ کوارٹر بھیجے جانے سے پہلے مہابلی میں تقریباً 20,000 کلومیٹر کی مسافت طے کی۔
44 واں شطرنج اولمپیاڈ 28 جولائی سے 9 اگست 2022 کے دوران چنئی میں منعقد ہو رہا ہے۔ 1927 سے منعقد ہونے والے اس پروقار مقابلے کی میزبانی پہلی بار ہندوستان میں اور ایشیا میں 30 سال کے بعد کی جارہی ہے۔ 187 ممالک کی شرکت کے ساتھ یہ کسی بھی شطرنج اولمپیاڈ میں سب سے بڑی شرکت ہوگی۔ ہندوستان30 کھلاڑیوں پر مشتمل 6 ٹیموں کو مقابلے میں میں اتار رہا ہے، جو اب تک کا سب سے بڑا دستہ ہے۔