جو روٹ نے ٹیسٹ کرکٹ میں کیچز کا نیا ریکارڈ قائم کردیا

برمنگھم، 11 ستمبر (یواین آئی) انگلینڈ کے کپتان جو روٹ نے ٹیسٹ کرکٹ میں سب سے زیادہ کیچ لینے والے نان وکٹ کیپر فیلڈر بن کر نئی تاریخ رقم کردی۔
پاکستان کے خلاف ایجبسٹن میں جاری تیسرے ٹیسٹ کے دوسرے روز کی دوسری اننگز کے پہلے ہی اوور میں روٹ نے عبداللہ شفیق کا کیچ پکڑ کر یہ اعزاز حاصل کیا۔ یہ ٹیسٹ کرکٹ میں ان کا 220واں کیچ تھا، جس کے ساتھ انہوں نے آسٹریلیا کے اسٹیو اسمتھ کا 219 کیچز کا ریکارڈ توڑ دیا۔
ٹیسٹ کرکٹ میں اب تک صرف پانچ کھلاڑی 200 یا اس سے زیادہ کیچز لینے میں کامیاب ہوئے ہیں۔ روٹ اور اسٹیو اسمتھ کے علاوہ فہرست میں شامل دیگر تینوں کھلاڑی ریٹائر ہوچکے ہیں۔ہندوستان کے راہل دراوڑ 210 کیچز کے ساتھ تیسرے، سری لنکا کے مہیلا جے وردنے 205 کیچز کے ساتھ چوتھے اور جنوبی افریقہ کے جیک کیلس 200 کیچز کے ساتھ پانچویں نمبر پر ہیں۔