پوپ فرانسیس معذرت کیلئے کینیڈا پہنچ گئے

روم//
رومن کیتھولک کے روحانی پیشوا پوپ فرانسیس اتوار کے روزکینیڈا کے پانچ روزہ دورے پر مغربی صوبہ البرٹا کے شہر ایڈمنٹن پہنچ گئے ہیں۔
تفصیلات کے مطابق ان کے اس دورے کا خاص مقصد رومن کیتھولک چرچ میں مشنریوں کے مقامی بچوں کے ساتھ ناروا سلوک پر معذرت طلب کرنا ہے۔
کینیڈا میں چرچ سے متصل رہائشی اسکولوں میں گذشتہ برسوں کے دوران میں تعلیم حاصل کرنے والے مقامی بچوں کے ساتھ پادریوں کی بدسلوکی کے واقعات کی پریشان اطلاعات سامنے آتی رہی ہیں اور مقامی لوگ ان غلط کاریوں پررومن کتھولک چرچ سے معافی کا مطالبہ کررہے ہیں۔
ایڈمنٹن پوپ فرانسیس کے کینیڈا کے دورے کا پہلاپڑاؤ ہے۔اس کے بعد وہ دو اور مقامات پر جائیں گے۔ کینیڈا کے وزیراعظم جسٹن ٹروڈو نے بہ نفس نفیس دوسرے حکام کے ساتھ پوپ کا خیرمقدم کیا ہے۔
پوپ وہیل چیئر پر تھے، ان کے اعزاز میں استقبالیہ تقریب دیسی ڈھول پیٹے گئے ہیں اورنعرے بازی کی گئی ہے۔ایک کے بعد ایک مقامی رہنماؤں اورزعما نے پوپ کا استقبال کیا اورتحائف کا تبادلہ کیا۔
پوپ نے روم سے اپنے ہمراہ طیارے میں سوارصحافیوں کو بتایا کہ یہ ایک ’ تپسیاتی سفر‘ ہے۔ انھوں نے خاص طور پربوڑھے لوگوں اور دادا دادی کے لیے دعاؤں پر زور دیا۔
واضح رہے کہ کینیڈا کے مقامی گروہ معافی نامے کے صرف الفاظ سے زیادہ کی تلاش میں ہیں۔وہ ان بچوں کی قسمت کے بارے میں جاننا چاہتے ہیں اور چرچ آرکائیوز تک رسائی کا مطالبہ کررہے ہیں جواقامتی اسکولوں سے کبھی گھروں کو نہیں لوٹے۔
متاثرہ بچوں کے اہل خانہ کا مطالبہ ہے کہ استحصال کرنے والوں کے کو انصاف کے کٹہرے میں لایا جائے اور متاثرین کو مالی معاوضہ دیا علاوہ ازیں ویٹی کن میوزیم میں موجود دیسی نوادرات کی واپسی بھی چاہتے ہیں۔
کنفیڈریشن آف ٹریٹی 6 کے گرینڈ چیف جارج آرسینڈ جونیئیر نے کہا کہ پوپ فرانسیس کی یہ معذرت ہمارے تجربات کی توثیق کرتی ہے اورچرچ کے لیے دنیا بھر کے مقامی لوگوں کے ساتھ مجروح تعلقات پرمرہم رکھنے کا موقع فراہم کرتی ہے،
لیکن چیف جارج نے زور دے کر کہا کہ یہ معاملہ یہیں پہ ختم نہیں ہوتا،ابھی بہت کچھ کرنا باقی ہے،یہ ایک آغازہے۔
۔۔۔۔۔۔۔