ایگا سوئیتک نے الینا رباکینا کو ہرا کر اس سیزن کا اپنا پہلا خطاب جیتا

ٹورنٹو، 14 اگست (یو این آئی) پولینڈ کی چھ بار کی ٹینس میجر چیمپئن ایگا سوئیٹک نے کناڈا اوپن کے فائنل میں دنیا کی نمبر 2 کھلاڑی الینا رباکینا کو 2-6، 3-6 سے ہرا کر 2026 کا اپنا پہلا خطاب جیتا۔ جمعرات کو کھیلے گئے خطابی مقابلے میں سوئیتک نے بریک پوائنٹ کے دونوں موقعوں کو کار آمد بنایا اور اتنے ہی موقعوں کو بچایا بھی۔ انہوں نے موجودہ آسٹریلین اوپن چیمپئن رباکینا کے خلاف پہلے سیٹ میں مضبوط شروعات کی۔
دوسرے سیٹ میں، پولینڈ کی دنیا کی نمبر 8 کھلاڑی کو اپنی قازقستان حریف سے کسی بریک پوائنٹ کا سامنا نہیں کرنا پڑا اور انہیں ملے تین موقعوں میں سے دو کو کار آمد بناتے ہوئے ایک گھنٹے 15 منٹ میں جیت حاصل کیے۔
سوئیتک نے خطاب جیتنے کے بعد کہا کہ "میں یہ خطاب ان تمام لوگوں کے نام کرنا چاہتی ہوں جو ناانصافی پر مبنی فیصلوں اور نفرت کا سامنا کر رہے ہیں۔ بس آگے بڑھتے رہو، ترقی کرتے رہو اور خود پر توجہ مرکوز رکھو کیونکہ تم جانتے ہو کہ تمہارے لیے کیا بہتر ہے اور ہمیشہ یاد رکھو کہ آگے کیا ہے اور کیا ممکن ہو سکتا ہے۔”
ٹورنٹو میں ملی یہ جیت سوئیتک کا 12واں ڈبلیو ٹی اے 1000 خطاب تھا۔ اس کے ساتھ ہی وہ آریانا سبالینکا (11) سے آگے نکل گئیں اور 2009 میں اس فارمیٹ کی شروعات کے بعد سے سب سے زیادہ خطاب جیتنے والوں کی فہرست میں دوسرے مقام پر آ گئیں۔ دنیا کی سابق نمبر ون کھلاڑی اب صرف سیریانا ولیمز سے پیچھے ہیں، جن کے نام ایسے 13 خطاب ہیں۔