ورلڈ اسنوکر چائنا اوپن: چین کے ابھرتے اسٹار وو یزے آخری 16 میں باہر

تائی یوان، 12 اگست (یواین آئی) ورلڈ اسنوکر ٹور چائنا اوپن 2026 کے آخری 16 مرحلے میں چین کے وو یزے کو ڈیوڈ گلبرٹ نے 6-2 سے شکست دے کر باہر کردیا، جبکہ چین کے ژو یولونگ نے لیو ہونگ یو کو 6-4 سے شکست دے کر کوارٹر فائنل میں جگہ بنالی۔
گلبرٹ نے وو کے خلاف ابتدائی برتری حاصل کی اور تیسرے فریم میں ٹورنامنٹ کی سب سے بڑی 132 پوائنٹس کی بریک بنائی۔ وو نے چوتھا اور ساتواں فریم جیت کر واپسی کی کوشش کی، لیکن گلبرٹ نے 6-2 سے کامیابی حاصل کرلی۔
دوسرے مقابلے میں ژو یولونگ نے شاندار کھیل پیش کرتے ہوئے ابتدائی دو فریموں میں 119 اور 108 پوائنٹس کی سنچری بریک بنائی۔ 3-3 کی برابری کے بعد ژو نے آٹھویں فریم میں 140 پوائنٹس کی بریک کے ساتھ میچ پر گرفت مضبوط کی اور 6-4 سے کامیابی حاصل کی۔