آسٹریلیا۔پاکستان سیریز کے پروگرام میں تبدیلی

لاہور// امید کے مطابق آسٹریلیا کے خلاف پاکستان کے محدود اووروں کے مقابلہ کی سیریز کو راول پنڈی سے لاہور منتقل کردیا گیا ہے۔ پاکستان کے داخلی امور کے وزیر نے جمعہ کو ایک پریس کانفرنس کرکے گزشتہ ہفتہ چل رہے واقعات پر سرکاری طورپر مہر لگا دی۔
یہ قدم پاکستان میں جاری سیاسی مسئلہ کی وجہ سے اٹھایا گیا ہے۔ وزیراعظم عمران خان کو اگلے ہفتہ عدم اعتما دتحریک کا سامنا کرنا ہے۔ اسی کے سبب حکمراں پارٹی پی ٹی آئی اور اپوزیشن پی ڈی ایم نے اپنی اپنی حمایت میں بڑی تعداد میں لوگوں کو اسلام آباد لانے کا وعدہ کیا ہے۔
حکمراں پارٹی نے یہ اعلان کیا ہے کہ وہ 27مارچ کو وزیراعظم عمران خان کی حمایت کرنے کیلئے دس لاکھ لوگوں کو اسلام آباد کے ڈی چوک پر لیکر آئے گی۔ یہ چوک اس ہوٹل سے صرف دو کلومیٹر کی دوری پر ہے جہاں ٹیموں کو ٹھہرنا ہے۔ پی ڈی ایم نے اپنے کارکنوں اور عوام سے یوم پاکستان (23مارچ) کو اسلام آباد کی طرف سے ایک لمبا جلوس نکالنے کی بھی اپیل کی ہے۔
اسلام آبادکے جڑواں شہر راول پنڈی کو 29مارچ، 31مارچ، 2اپریل اور 5اپریل کو بالترتیب تین ونڈے اور ایک ٹی۔20بین الاقوامی میچ کی میزبانی کرنی تھی۔اسی وقت سیاسی سرگرمیاں اپنے عروج پر ہوں گی۔ سمجھا جارہا ہے کہ پاکستان کرکٹ بورڈ (پی سی بی) شروعات میں انہیں منتقل نہیں کرنا چاہتا تھا لیکن اب صورتحال نے انہیں یہ فیصلہ کرنے پر مجبور کردیا ہے۔ ابھی یہ واضح نہیں ہوسکا ہے کہ کیا میچوں کی تاریخ میں کوئی تبدیلی کی جائے گی۔
ؑآسٹریلیا اس وقت جاری ٹیسٹ سیریز کا آخری میچ کھیلنے کے لئے لاہور میں ہے۔ راول پنڈی اور کراچی میں کھیلے گئے دونوں میچ ڈرا رہے تھے۔ گذشتہ 24برسوں میں آسٹریلیا کا پہلا پاکستان کا دورہ ہے۔
(یواین آئی)