فلا ئٹ کرو امتحان کے لیے درخواست کی تاریخ میں توسیع

نئی دہلی، 7 اگست (یو این آئی) فلائٹ کرو امتحان کے سال 2026 کے چھٹے سیشن کے امتحان کے لیے آن لائن درخواستیں اب 10 اگست تک دی جا سکیں گی۔
چھٹے سیشن کے امتحان کا انعقاد 19 اگست سے 21 اگست کے درمیان ہو گا۔ امیدوار ان تین دنوں میں اپنی پسند سے کوئی بھی سلوٹ منتخب کر سکتے ہیں۔
کئی امیدواروں نے شکایت کی تھی کہ سول ایوی ایشن ڈائریکٹوریٹ جنرل (ڈی جی سی اے) کے امتحانی پورٹل میں خرابی کی وجہ سے وہ امتحان کے لیے آن لائن درخواست نہیں دے پا رہے ہیں۔ اس کے بعد شہری ہوا بازی کے وزیر کنجراپو رام موہن نائیڈو نے درخواست کی تاریخ 10 اگست تک بڑھانے کی ہدایت دی ہے۔
مسٹر نائیڈو نے بتایا کہ انہوں نے ڈی جی سی اے کو امتحانی پورٹل میں اصلاح کرنے اور جلد از جلد بیک اینڈ صلاحیت بڑھانے کی ہدایت دی ہے۔