نئی دہلی 22 جون (یو این آئی) امداد باہمی کے مرکزی وزیر امت شاہ منگل کو یہاں اٹل اکشے اورجا بھون میں نیشنل ایگری کلچرل کوآپریٹیومارکیٹنگ فیڈریشن آف انڈیا ‘نیفیڈ کے نیلامی پورٹل نیفیکس ان کا آغاز کریں گےمرکزی وزیر زراعت اور کسان بہبود مسٹر شیوراج سنگھ چوہان بھی اس پروگرام میں موجود رہیں گے۔ اس موقع پر نیفیڈ کے چیئرمین جیٹھا بھائی اہیر، منیجنگ ڈائریکٹر دیپک اگروال اور سینئر افسران بھی موجود رہیں گے۔ پروگرام کے دوران مسٹر شاہ نیفیڈ کے کئی اہم ڈیجیٹل اور کسانوں پر مرکوز اقدامات کا آغاز کریں گے۔ ان میں کسانوں کے بچوں کے لیے نیفیڈ-کلیان اسکالرشپ، دالوں اور تلہن کے انوینٹری مینجمنٹ کے لیے درشٹی پورٹل اور انٹرپرائز ریسورس پلاننگ کو مضبوط کرنے کے لیے ای آر پی پورٹل شامل ہیں۔ پروگرام کے دوران نیلامی پورٹل پر لائیو رجسٹریشن کا مظاہرہ اور نیلامی کے عمل کا آغاز بھی کیا جائے گا۔
اس پورٹل کی شروعات نیلامی کے عمل میں شفافیت، کارکردگی اور آپریشن کی آسانی کو مضبوط کرنے کی سمت میں ایک اہم قدم ہے۔ یہ پورٹل نیلامی سے متعلق سرگرمیوں کو منظم کرنے اور کسانوں، رکن اداروں اور اسٹیک ہولڈرز کے مفاد میں نافیڈ کے مجموعی طریقہ کار کو مزید موثر بنانے کے لیے ایک ڈیجیٹل پلیٹ فارم مہیا کرائے گا۔ اس موقع پرامدادباہمی کے وزیر کسانوں کے بچوں کو نیفیڈ کلیان اسکالرشپ کے چیک بھی تقسیم کریں گے۔ یہ اقدام کسانوں کی بہبود اور کسانوں کے بچوں کی تعلیم میں تعاون دینے کی سمت میں نافیڈ کے عزم کو ظاہر کرتا ہے۔
افتتاحی پروگرام کے بعد مسٹر شاہ نیفیڈ کے بورڈ آف ڈائریکٹرز کے اراکین سے ملاقات کریں گے۔ اس میٹنگ میں نیفیڈ کی سرگرمیوں اور پیشرفت پر پریزنٹیشن دی جائے گی، جس میں مرکزی وزیر کی طرف سے پچھلے دورے کے دوران دی گئی ہدایات پر کی گئی کارروائی اور نیفیڈ کے مستقبل کے روڈ میپ پر تبادلہ خیال ہوگا۔ نیفیڈ کسانوں کو تعاون دینے، زرعی مارکیٹنگ، خریداری اور تعاون پر مبنی زرعی تجارت میں اہم کردار ادا کرتا ہے۔ ان ڈیجیٹل اور فلاحی اقدامات کا آغاز وزیراعظم نریندر مودی کے "سہکار سے سمردھی” کے وژن کو سچ کرنے اور سہکاری اداروں کو تکنیک، شفافیت اور کسانوں پر مرکوز اصلاحات کے ذریعے بااختیار بنانے کی حکومت کی کوششوں کے عین مطابق ہے۔
