آئی پی ایل 2027 میں ڈی سی کے کوچنگ کردار میں نظر آسکتے ہیں گانگولی اور یوراج

نئی دہلی، 20 جون (یو این آئی) انڈین پریمیئر لیگ (آئی پی ایل) 2027 میں دہلی کیپٹلس (ڈی سی) کے کوچنگ عملے میں سابق ہندوستانی بلے باز سورو گنگولی اور یوراج سنگھ شامل ہونے والے ہیں۔
اگرچہ دہلی کیپیٹلز کی جانب سے ابھی تک اس سلسلے میں کوئی باضابطہ اعلان نہیں کیا گیا، تاہم مانا جارہا ہے کہ گانگولی کو ہیڈ کوچ بنایا جائے گا جبکہ یوراج سنگھ کو بیٹنگ کوچ کا کردار ادا کریں گے۔ کوچنگ اسٹاف میں یہ تبدیلی آئی پی ایل 2024 کے بعد ڈی سی کے شریک مالکان جی ایم آر اسپورٹس اور جے ایس ڈبلیو اسپورٹس کے درمیان ہونے والے معاہدے کے تحت ہورہی ہے۔ اس انتظام کے مطابق دونوں گروپ باری باری دو، دو سالہ مدت کے لیے ٹیم کے انتظامی امور سنبھالیں گے۔ گانگولی کو 2024 میں جے ایس ڈبلیو کا کرکٹ ڈائریکٹر مقرر کیا گیا تھا۔ وہ دہلی کے مینٹور بھی رہ چکے ہیں۔ ایس اے 20، 2025 میں انہوں نے پریٹوریا کیپیٹلز کے ہیڈ کوچ کے طور پر کام کیا تھا، جو ان کے کوچنگ کیریئر کا پہلا تجربہ تھا۔ وہ ویمنز پریمیئر لیگ (ڈبلیو پی ایل) میں بھی ڈی سی سے وابستہ رہےہیں۔
2019 میں کرکٹ کے تمام فارمیٹس سے ریٹائرمنٹ کے بعد یہ یوراج سنگھ کا پہلا باضابطہ کوچنگ عہدہ ہوگا۔ ہندستان کے ٹیسٹ اور ون ڈے کپتان شبمن گل، ابھشیک شرما اور پربھسمرن سنگھ سمیت کئی کھلاڑیوں نے گزشتہ برسوں میں اپنی بلے بازی کا کریڈٹ یوراج سنگھ کو دیا ہے۔
لکھنؤ سپر جائنٹس سے ٹریڈ کے ذریعے ڈی سی واپسی کرنے جارہے ریشبھ پنت نے آئی پی ایل 2026 سے پہلے ممبئی میں یوراج کے ساتھ پریکٹس سیشن میں تھے۔ سمجھا جاتا ہے کہ پنت کے ٹریڈ میں گنگولی اور یوراج دونوں کا کردار رہا ہے۔