جموں کشمیر میں کورونا کے ۱۰۱ نئے کیس درج

سرینگر//
جموںکشمیر میں گزشتہ چوبیس گھنٹوں کے دوران کورونا وائرس کا صرف ۱۰۱نئے معاملات سامنے آئے ہیںجن میں ۴۵کاکشمیر اور ۵۶کا تعلق جموں صوبہ سے ہے ۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۴۴ہزار۸۰۷تک پہنچ گئی ہے‘ جن میں سے۶۹۲(صوبہ جموں میں۴۴۰؍اور کشمیر صوبے میں۲۵۲)سر گرم معاملات ہیں۔اَب تک۴لاکھ۵۰ہزار۳۵۸؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع کپواڑہ میں ۶؍اورضلع سرینگر میں۳۹نئے معاملے درج کئے گئے ہیں۔اسلام آباد‘بانڈی پورہ ، بارہمولہ ،بڈگام ، شوپیان ،کولگام ، پلوامہ ، اور گاندربل اضلاع سے مثبت معاملات کی کوئی رِپورٹ نہیں ہے۔
اِسی طرح ضلع رام بن میں۲‘ضلع رِیاسی میں ایک، ضلع اودھمپورمیں۴، ضلع سانبہ میں۲، ضلع کٹھوعہ میں ۳،ضلع ڈوڈہ میں ایک‘ضلع راجوری میں بھی ایک اورضلع جموںمیں۴۲ نئے مثبت معاملے سامنے آئے ہیں۔پونچھ اورکشتواڑ اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق گزشتہ ۲۴ گھنٹوں کے دوران دونوں صوبوں میں کورونا سے کوئی تازہ موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۷تک پہنچ گئی ،جن میں سے۲۴۲۵کا کشمیر اور۲۳۳۲کاتعلق جموں صوبہ سے ہے۔
اِسی دوران آج مزید۷۴؍اَفراد شفایاب ہوئے ہیںجن میں۱۹صوبہ کشمیر اور۵۵کا تعلق جموں صوبہ سے ہیں۔