سوریہ کمار نے ہیزل وُڈ اور ابھیشیک کی تعریف کی

میلبورن، 31 اکتوبر (یو این آئی) ہندوستانی کرکٹ ٹیم کے کپتان سوریہ کمار یادو نے جمعہ کے روز دوسرے بین الاقوامی ٹی-20 میچ میں آسٹریلیا کی چار وکٹ سے جیت میں جوش ہیزل وُڈ کی شاندار گیند بازی کو فیصلہ کن قرار دیا۔ انہوں نے ابھیشیک شرما کی ذمہ دارانہ اننگز کی بھی تعریف کرتے ہوئے کہا کہ وہ کافی وقت سے اچھی کارکردگی کا مظاہرہ کررہے ہیں ۔
میچ کے بعد سوریہ کمار یادو نے کہا، ’’اگر آپ شروع میں ہی چار وکٹ گنوا دیتے ہیں تو واپسی کرنا بہت مشکل ہو جاتا ہے۔ اس کا کریڈٹ انہیں (ہیزل وُڈ) کو جاتا ہے، انہوں نے بہت عمدہ گیند بازی کی۔‘‘
اسی کے ساتھ انہوں نے ابھیشیک شرما کی 68 رنز کی ذمہ دارانہ اننگز کی بھی تعریف کرتے ہوئے کہا، ’’وہ اپنے کھیل کو اچھی طرح جانتے ہیں ، اور یہ بہت اچھی بات ہے کہ وہ اسے بدلنے کی کوشش نہیں کررہے۔ امید ہے کہ وہ ہمارے لیے ایسی مزید اننگز کھیلیں گے۔‘‘
میچ کے بہترین کھلاڑی (پلیئر آف دی میچ) جوش ہیزل وُڈ نے پچ کو تیز گیند بازوں کے لیے مددگار قرار دیا اور تجربات کرنے کے بجائے تسلسل پر زور دیا۔ انہوں نے کہا، ’’مجھے لگ رہا ہے کہ گیند ہاتھ سے بہت اچھی طرح نکل رہی ہے، چاہے میں کسی بھی فارمیٹ میں کھیلوں۔ میری کوشش یہی ہے کہ گیند کو صحیح جگہ پر ڈالوں اور دیکھوں کیا ہوتا ہے۔ سب کچھ متوازن محسوس ہو رہا ہے اور میں ایشیز کے لیے پوری طرح تیار ہوں۔‘‘
یواین آئی۔ م س
انہوں نے مزید کہا، ’’مجھے لگتا ہے سیکھنے کے لیے اس سے بہتر جگہ کوئی نہیں ہو سکتی۔ نیتھن ہر بار اپنا کام بہترین طریقے سے انجام دیتا ہے اور مشکل اوورز کو بھی سنبھالتا ہے۔ جلد ہی ہمارے پاس کئی تیز گیند باز ایک جگہ کے لیے مقابلہ کرتے نظر آئیں گے۔ میں کل گھر واپس جاؤں گا، ابھی بھی شیلڈ میچ کی تیاری کے لیے وقت ہے، اور پھر پرتھ میں پہلے ٹیسٹ کے لیے روانہ ہو جاؤں گا۔‘‘