سڈنی ون ڈے میں شریس ایئر زخمی ہوئے

سڈنی، 25 اکتوبر (یو این آئی) آج یہاں تیسرے ون ڈے میچ میں ہندوستانی کیمپ میں کشیدگی اور تشویش کا ماحول دیکھنے کو ملا۔ ہرشِت رانا کی گیند پر شاندار کیچ لینے کے لیے دوڑتے ہوئے شریس ایئر گیند پکڑنے کے دوران زمین پر گر گئے اور انہیں شدید چوٹ لگ گئی۔
یہ واقعہ 34ویں اوور کی چوتھی گیند پر پیش آیا، جس سے ایلکس کیری اور میٹ رینشا کے درمیان چوتھے وکٹ کے لیے 59 رنز کی شراکت داری ختم ہو گئی۔
فزیو دوڑے، ٹیم کے ساتھی کھلاڑی جمع ہوئے، اور اس کشیدہ ماحول میں ہندوستان کے سابق ون ڈے کپتان روہت شرما آگے آئے۔ انہوں نے ایئر کی حالت کا جائزہ لیا اور انہیں خود باؤنڈری تک لے گئے۔ یہ ایک ایسا اشارہ تھا جو اعداد و شمار اور تنازعات سے بہت آگے جا کر بہت کچھ ظاہر کرتا ہے۔
ہندوستانی ڈریسنگ روم سے ابھی تک ایئر کی حالت پر کوئی باضابطہ اپ ڈیٹ نہیں آیا ہے۔ نوجوان آل راؤنڈر نیتیش کمار ریڈی کے بعد شریس ایئر کی چوٹ ہندوستان کے لئے باعث تشویش ہے، ریڈی ایڈیلیڈ میں دوسرے ون ڈے میں لگنے والی بائیں کہنی کی چوٹ کے سبب سڈنی ون ڈے سے باہر ہو گئے تھے۔
بی سی سی آئی نے تصدیق کی ہے کہ نیتیش ٹیم کے میڈیکل اسٹاف کی روزانہ نگرانی میں ہیں۔