اگر آپ (میلونی) سگریٹ چھوڑ دیں تو کسی کو بھی قتل کرسکتی ہیں: طیب اردوان

شرم الشیخ، 14 اکتوبر (یو این آئی) ترکیے کے صدر طیب اردوان نے اطالوی خاتون وزیراعظم جارجیا میلونی سے سگریٹ نوشی چھوڑنے کی درخواست کی جس کی ویڈیو سوشل میڈیا پر وائرل ہے ۔
مصر کے شہر شرم الشیخ میں غزہ امن اجلاس کے دوران ترکیے کے صدر طیب اردوان نے جارجیا میلونی سے مصافحے کے دوران ان سے سگریٹ نوشی چھوڑنے کی درخواست کی، اس موقع پر فرانس کے صدر میکرون بھی موجود تھے ۔
سوشل میڈیا پر وائرل ویڈیو میں دیکھا جاسکتا ہے طیب اردوان نے جارجیا میلونی سے مصافحے کے دوران کہا کہ ‘ آپ اچھی لگ رہی ہیں، اگر آپ سگریٹ نوشی چھوڑدیں تو کسی کو بھی قتل کرسکتی ہیں لہٰذا مجھے آپ کو سگریٹ نوشی چھوڑنے پر مجبور کرنا پڑے گا۔
اس پر میلونی نے مسکراتے ہوئے جواب دیا کہ’ میں جانتی ہوں لیکن میں کسی کو بھی قتل کرنا نہیں چاہتی ‘ ۔
اطالوی وزیراعظم کے جانے کے بعد فرانسیسی صدر میکرون نے طیب اردوان کو ہنستے ہوئے واضح کیا کہ ‘ یہ ناممکن ہے۔
میڈیا رپورٹس کے مطابق سیریز آف انٹرویوز پر مبنی ایک کتاب میں اطالوی وزیراعظم جارجیا میلونی اعتراف کرچکی ہیں’ انہوں نے 13 سال سگریٹ چھوڑدینے کے بعد دوبارہ سگریٹ نوشی شروع کردی تھی تاہم جارجیا نے اس انٹرویو میں یہ بھی تسلیم کیا تھا کہ سگریٹ نے ہی انہیں تیونس کے صدر قیس سعید سمیت دیگر سیاستدانوں کے ساتھ جوڑنے میں مدد فراہم کی۔