آئی ٹی کمپنیوں کے دباؤ میں لڑھکا اسٹاک مارکیٹ

ممبئی، 13 اکتوبر (یو این آئی) آئی ٹی اور ایف ایم سی جی کمپنیوں کے دباؤ کے باعث پیر کو گھریلو اسٹاک مارکیٹوں میں کمی آئی۔
بی ایس ای کا 30 حصص پر مشتمل حساس انڈیکس سینسیکس ہفتے کے پہلے ہی دن 173.77 پوائنٹس (0.21 فیصد) گر کر 82327.05 پر بند ہوا۔ گزشتہ دو کاروباری دنوں پر سبز نشان میں بند ہونے والا انڈیکس آج 450 سے زیادہ کی کمی کے ساتھ کھلا تھا، لیکن بعد میں کچھ سنبھلنے میں کامیاب ہوا۔
نیشنل اسٹاک ایکسچینج (این ایس ای) کا نفٹی 50 انڈیکس بھی 58 پوائنٹس یعنی 0.23 فیصد کی کمی کے ساتھ 25227.35 پر بند ہوا۔ این ایس ای میں جن 3202 کمپنیوں کے حصص کا کاروبار ہوا ان میں سے 1118 کے شیئر سبز، 1974 کے سرخ نشان میں بند ہوئے ، جب کہ 109 کمپنیوں کے شیئر میں کوئی تبدیلی نہیں ہوئی۔
آئی ٹی، ایف ایم سی جی، کنزیومر ڈیوریبل، میٹلز اور آئل اینڈ گیس گروپوں میں فروخت کا دباؤ زیادہ رہا۔ وہیں بینکنگ اورمالیاتی سیکٹرزکے حصص میں زیادہ خریداری ہوئی۔
بڑے انڈیکس کے برعکس درمیانی کمپنیوں کے انڈیکس مڈکیپ 50 میں 0.23 فیصد اضافہ ہوا۔ نفٹی اسمال کیپ-100 انڈیکس میں 0.17 فیصد کی کمی واقع ہوئی۔
سینسیکس کمپنیوں میں، ٹاٹا موٹرز میں سب سے زیادہ 2.67 فیصد کی کمی آئی۔ ہندوستان یونیلیور کا شیئر1.46 فیصد اور انفوسس کا 1.40 فیصد گر گیا۔ پاور گرڈ، بی ای ایل، آئی ٹی سی، الٹرا ٹیک سیمنٹ، ٹی سی ایس، اور ریلائنس انڈسٹریز کے حصص بھی سرخ نشان میں بند ہوئے ۔
فائدہ اٹھانے والوں میں، اڈانی پورٹس کا حصہ سب سے زیادہ 2.04 فیصد بڑھ گیا۔ بجاج فائنانس کا شیئر 1.32 فیصد، بجاج فنسرو کا 0.93 فیصد اور ایکسس بینک کا 0.79 فیصد بڑھ گیا۔ بھارتی ایرٹیل اور این ٹی پی سی میں بھی اضافہ ہوا۔
دیگر ایشیائی اسٹاک مارکیٹوں پر گراوٹ کا غلبہ رہا۔ جاپان کا نکئی 1.01 فیصد، ہانگ کانگ کا ہینگ سینگ 1.52 فیصد اور چین کا شنگھائی کمپوزٹ 0.19 فیصد گر گیا۔
یورپی منڈیوں میں ابتدائی تجارت میں، جرمنی کا ڈیکس 0.54 فیصد اور برطانیہ کا ایف ٹی ایس ای 0.03 فیصد بڑھ گیا۔ تھا۔