نائیجیریا کی فٹ بال ٹیم خوفناک حادثے سے بال بال بچ گئی

نائیجیریا کی فٹ بال ٹیم خوفناک حادثے سے بال بال بچ گئی، فٹ بال ٹیم کے چارٹرڈ طیارے کی ونڈ شیلڈ کے ٹوٹ جانے کے بعد انگولا کے دارالحکومت لوانڈا میں ہنگامی لینڈنگ کی گئی۔ رپورٹس کے مطابق مذکورہ واقعہ امریکہ، کناڈا اور میکسیکو میں ہونے والے 2026 کے ورلڈ کپ کے لیے افریقی کوالیفائرز میں بینن کے خلاف ایک اہم میچ سے دو دن قبل پیش آیا۔
نائیجیریا کے میڈیا کا اس حوالے سے کہنا ہے کہ نائیجیریا کی فٹ بال ٹیم کا وفد نائجیریا کے شہر اویو میں وکٹر اٹا انٹرنیشنل ایئرپورٹ جا رہا تھا۔ اس وفد میں بڑی یورپی لیگز کے سرفہرست اسٹارز جیسا کہ گالاتسرے سٹار وکٹر اوسیمہن اور اٹلانٹا کے اسٹرائیکر اوڈیولا لوک مین شامل تھے۔
تاہم جنوبی افریقہ سے ٹیک آف کے 25 منٹ بعد طیارے میں تکنیکی خرابی پیدا ہوگئی۔ پائلٹ نے دیکھا کہ ونڈشیلڈ ٹوٹی ہوئی ہے۔ اس پر اسے ایندھن بھرنے کے ایک مختصر وقفے کے بعد لوانڈا یوگنڈا واپس جانے پر مجبور ہونا پڑا۔
نائیجیرین فٹ بال فیڈریشن نے کی جانب سے بھی تصدیق کی گئی کہ ٹیم کے ارکان بحفاظت اویو پہنچ گئے ہیں۔ چارٹرڈ ہیلی کاپٹر کے مالک ویلیو جیٹ اور وفاقی حکومت کے ادارے اس معاملے پر گہری نظر رکھے ہوئے ہیں۔
افریقی کوالیفائرز کے گروپ سی میں 14 پوائنٹس کے ساتھ تیسرے نمبر پر موجود نائیجیریا کا کوالیفائرز کے فائنل میچ میں لیڈر بینن کا سامنا کرنا پڑے گا جو تین پوائنٹس کی برتری رکھتے ہیں۔ سپر ایگلز آخری ایڈیشن سے محروم ہونے کے بعد ورلڈ کپ میں واپسی کی امید کر رہے ہیں۔