یمن کے حوثیوں کا اسرائیل کے سیاحتی شہر ایلات پر ڈرون حملہ: اسرائیلی فوج

یروشلم، 6 اکتوبر (یو این آئی) یمن کے حوثی جنگجوؤں نے اتوار کی رات اسرائیل کے بحیرہ احمر کے کنارے واقع سیاحتی شہر ایلات پر ڈرون حملہ کیا، جو ایک ہی دن میں دوسرا حملہ تھا۔ اسرائیلی فوج کا کہنا ہے کہ ممکنہ طور پر بغیر پائلٹ کے اس طیارے کو مار گرایا گیا ہے ۔
فوج کی جانب سے جاری بیان میں کہا گیا: "ایلات کے علاقے میں ایک دشمن طیارے کی دراندازی کے الارم کے بعد، یمن سے چھوڑا گیا ایک بغیر پائلٹ فضائی گاڑی (یو اے وی) ممکنہ طور پر اسرائیلی فضائیہ (آئی اے ایف) نے روک لی ہے ۔”
اس میں مزید کہا گیا ہے کہ سائرن روکے جانے کے خطرے کی وجہ سے بجائے گئے تھے ۔
پولیس کے بیان کے مطابق افسران علاقے کی تلاشی لے رہے ہیں، تاہم کسی جانی یا مالی نقصان کی اطلاع نہیں ہے ۔
حوثی گروپ کی جانب سے فوری طور پر کوئی تبصرہ نہیں کیا گیا۔
اس سے قبل بھی حوثی افواج نے علی الصبح مرکزی اسرائیل کی طرف ایک میزائل داغنے کا دعویٰ کیا تھا، جس کے بارے میں انہوں نے کہا کہ وہ "حساس مقامات” کو نشانہ بنانے کے لیے داغا گیا تھا۔
اسرائیلی فوج کا کہنا ہے کہ میزائل کو اس کی فضائی دفاعی نظام نے روک لیا تھا۔