ترک ہوائی کمپنی کا ٹرمپ-ایردوان مذاکرات کے بعد 225 بوئنگ طیاروں کی خریداری کا فیصلہ

انقرہ، 26 ستمبر (یو این آئی) ترکش ایئرلائنز نے جمعہ کے روز اعلان کیا کہ وہ 75 بوئنگ بی787 طیارے خریدے گی اور 150 737-8/10 MAX طیاروں کی خریداری کے لیے مذاکرات مکمل کر چکی ہے ، جو انجن ساز کمپنی سی ایف ایم انٹرنیشنل کے ساتھ بات چیت سے مشروط ہے ۔
ترک میڈیا کے مطابق استنبول اسٹاک مارکیٹ کو جاری کردہ ایک بیان میں، ترکش ایئرلائنز نے کہا کہ اس نے بوئنگ سے 75 بی787-9 اور بی787-10 ماڈلز خریدنے کا فیصلہ کیا ہے ، جن میں 50 حتمی اور 25 اختیاری آرڈرز شامل ہیں۔
کمپنی کے مطابق، ان طیاروں کی ترسیل 2029 سے 2034 کے درمیان متوقع ہے ۔
طیاروں کے انجن، اضافی انجن، اور انجن کی دیکھ بھال کی خدمات کے حوالے سے رولز رائس اور GE ایرو اسپیس کے ساتھ مذاکرات جاری ہیں۔
ترکش ایئرلائنز نے یہ بھی تصدیق کی کہ اس نے بوئنگ کے ساتھ مزید 150 طیاروں کی خریداری کے لیے مذاکرات مکمل کر لیے ہیں، جن میں 100 پختہ اور 50 اختیاری آرڈرز 737-8/10 MAX ماڈلز کے لیے شامل ہیں۔
کمپنی نے کہا کہ 737-8/10 MAX طیاروں کے آرڈرز انجن ساز کمپنی سی ایف ایم انٹرنیشنل کے ساتھ بات چیت کے کامیاب اختتام سے مشروط ہوں گے ۔