ہندوستان اے نے آسٹریلیا اے کو پانچ وکٹوں سے شکست دی

لکھنؤ، 26 ستمبر (یو این آئی ) کے ایل راہول (ناٹ آؤٹ 176) اور سائی سدرشن (100) کی سنچریوں کی بدولت انڈیا اے نے جمعہ کو دوسرے غیر سرکاری ٹیسٹ میں آسٹریلیا اے کو پانچ وکٹوں سے شکست دی۔
میچ کے چوتھے دن انڈیا اے نے دو وکٹ پر 169 رنز پر دوبارہ کھیل شروع کیا۔ ہندوستان کا تیسرا وکٹ مانو سوتھر (5) کی صورت میں گرا۔ انہوں نے سائی سدرشن کے ساتھ چوتھے وکٹ کے لیے 78 رنز جوڑے۔ کے ایل راہل، جو کل ریٹائرڈ ہرٹ ہو گئے تھے، پھر بلے بازی کے لئے واپس آئے اور اپنی سنچری مکمل کی۔ سائی سدرشن نے 172 گیندوں پر نو چوکے اور ایک چھکا لگا کر 100 رنز بنائے۔ انہیں کوری روکیچولی نے آؤٹ کیا۔
کپتان دھرو جریل بلے بازی کے لیے آئے۔ انہوں نے کے ایل راہول کے ساتھ پانچویں وکٹ کے لیے 115 رنز جوڑے، جس سے اپنی ٹیم کو فتح کی طرف لے گئے۔ انڈیا اے نے 93.3 اوور میں پانچ وکٹوں پر 413 رنز بنا کر پانچ وکٹوں سے میچ جیت لیا۔ کے ایل راہل نے 210 گیندوں میں 16 چوکے اور چار چھکے مار کر ناٹ آؤٹ 176 رنز کی میچ جیتنے والی اننگز کھیلی۔
آسٹریلیا اے کی جانب سے ٹوڈ مرفی نے تین وکٹیں حاصل کیں۔ کوری روکیچولی نے دو وکٹیں حاصل کیں۔ آسٹریلیا اے نے پہلی اننگز میں 420 رنز بنائے جس کے جواب میں انڈیا اے کی ٹیم 194 رنز پر ڈھیر ہوگئی۔ اس کے بعد آسٹریلیا دوسری اننگز میں 185 رنز پر سمٹ گیا اور ہندوستان کو جیت کے لیے 412 رنز کا ہدف دیا۔