اقوام متحدہ کا اسکیلیٹر اور ٹیلی پرامپٹر دونوں رک گئے ، ٹرمپ کے ساتھ عجیب واقعہ

نیویارک، 24 ستمبر (یو این آئی) امریکی صدر ڈونلڈ ٹرمپ کے ساتھ اقوام متحدہ میں عجیب واقعہ پیش آیا، جس سے انھیں یو این پر مزید تنقید کرنے کا موقع مل گیا۔
تفصیلات کے مطابق اقوامِ متحدہ کا اسکیلیٹر اور ٹیلی پرامپٹر دونوں اُس وقت رک گئے جب امریکی صدر کی باری تھی اور وہ اِدھر اُدھر دیکھتے رہ گئے ۔
ٹرمپ منگل کی صبح مین ہیٹن میں اقوام متحدہ کے ہیڈکوارٹر پہنچے تو امریکی خاتون اوّل میلانیا ٹرمپ بھی ان کے ہمراہ تھیں۔ جیسے ہی ٹرمپ اور ان کی اہلیہ عمارت کی بالائی منزل پر جانے کے لیے اپنے عملے کے ہمرے اسکیلیٹر پر چڑھے تو اچانک اسکیلیٹر رک گیا اور صدر ٹرمپ کو میلانیا کے ساتھ سیڑھیاں چڑھنی پڑیں۔
اسرائیل ہر گھنٹے ایک بچے کو قتل کر رہا ہے ، ترک صدر نے یو این اجلاس میں غزہ کے بچوں کی تصاویر دکھا دیں
بعد ازاں جب امریکی صدر ٹرمپ جنرل اسمبلی سے خطاب کے لیے اسمبلی ہال کے اسٹیج پر پہنچے تو ان کے سامنے موجود ٹیلی پرامپٹر بھی تھم گیا۔ جس پر ٹرمپ نے ہنستے ہوئے کہا کہ ‘جو اس ٹیلی پرامپٹر کو چلا رہا ہے اس کی خیر نہیں۔
ٹرمپ نے اپنی تقریر میں اقوام متحدہ کو تنقید کا نشانہ بناتے ہوئے کہا کہ یہاں آنے پر مجھے صرف ایک ٹوٹا اسکیلیٹر ملا، اگر خاتون اول کی صحت اچھی نہ ہوتی تو وہ گر جاتیں۔