نابالغ بچی کے اغوا کے معاملے میں ایک لیکچرر بیٹی اور بیٹے سمیت گرفتار

کولکتہ، 22 ستمبر (یو این آئی) مغربی بنگال پولیس نے ایک کمسن بچی کے اغوا کے معاملے میں فزکس کی ایک لیکچرر کو اس کی بیٹی اور بیٹے سمیت گرفتار کر لیا ہے ۔
پولیس ذرائع نے بتایا کہ لیکچرر نے ڈم ڈم اسٹیشن علاقے سے سڑک پر رہنے والی پانچ سالہ بچی کا اغوا کیا تھا۔ پولیس نے کہا کہ لیکچرر کی شناخت 55 سالہ ارونِما چندر کے طور پر ہوئی ہے ۔ مقامی رہائشیوں نے شمالی کولکتہ کے سنتھی تھانے کو بچی کے اغوا کی اطلاع دی تھی۔ بتایا گیا کہ بچی 17 ستمبر کو وِشو کرما پوجا کے دن سے ڈم ڈم اسٹیشن علاقے میں فٹ پاتھ پر بنی اپنی جھونپڑی سے لاپتہ تھی۔
سی سی ٹی وی فوٹیج کی بنیاد پر پولیس نے تلاش شروع کی اور آج صبح بچی کو لیکچرر کے گھر سے برآمد کیا۔
پولیس نے لیکچرر اور اس کی بیٹی انوشکا اور بیٹے انوپبھ چندر کو اغوا کے الزام میں گرفتار کر لیا ہے ۔ لیکچرر نے پولیس کو بتایا کہ انہوں نے بچی کو یتیم سمجھ کر بچایا اور اس کی حفاظت اور آرام کے لیے اسے گھر لے آئی تھی۔