میڈیاٹیک نے پیش کیا نیا ایس او سی، 5 جی اسمارٹ فون کی اگلی نسل کے لیے ڈیزائن کیا گیا

سِنچُو (تائیوان)، 22 ستمبر (یو این آئی) اسمارٹ فونز کے لیے سسٹم آن اے چپ (ایس او سی) بنانے والی معروف تائیوانی کمپنی میڈیاٹیک نے پیر کے روز اپنے اب تک کے سب سے جدید موبائل پلیٹ فارم میڈیاٹیک ڈائمنسٹی 9500 پیش کرنے کا اعلان کیا۔
آن-ڈیوائس اے آئی، کنسول کلاس گیمِنگ اور بیٹری پاور میں نئے معیارات قائم کرتے ہوئے میڈیاٹیک ڈائمنسٹی 9500 کو 5 جی اسمارٹ فونز کی اگلی نسل کو سپرچارج کرنے کے لیے ڈیزائن کیا گیا ہے ۔ میڈیاٹیک ڈائمنسٹی 9500 میں تیسری نسل کے آل بگ کور سی پی یو کا ڈیزائن اپنایا گیا ہے جس میں 4.21 گیگا ہرٹز الٹرا کور، تین پریمیم کور اور چار پرفارمنس کور، چار لین یو ایف ایس 4.1 اسٹوریج شامل ہیں۔ یہ ڈیزائن پچھلی نسل کے مقابلے میں 29 فیصد تک بہتر سنگل کور اور 16 فیصد بہتر ملٹی کور کارکردگی فراہم کرتا ہے ، جبکہ الٹرا کور زیادہ سے زیادہ کارکردگی پر 55 فیصد تک کم توانائی خرچ کرتا ہے ، جس سے صارفین کو طویل بیٹری لائف اور بہتر پیداواریت ملتی ہے ۔
میڈیاٹیک کے کارپوریٹ سینئر نائب صدر اور وائرلیس کمیونیکیشنز بزنس یونٹ کے جنرل منیجر جے سی ہسو نے کہا کہ جیسے جیسے مصنوعی ذہانت روزمرہ کی زندگی کا حصہ بنتی جارہی ہے ، صارفین ایسے ڈیوائسز چاہتے ہیں جو بیٹری لائف سے سمجھوتہ کیے بغیر زیادہ اسمارٹ، تیز اور زیادہ ذاتی نوعیت کے ہوں۔
کمپنی نے بتایا کہ اس پلیٹ فارم کی نئی کیش اور میموری آرکیٹیکچر پڑھنے اور لکھنے کی رفتار کو دوگنا کر دیتی ہے اور بڑے اے آئی ماڈلز کی لوڈنگ کو 40 فیصد تک بڑھا دیتی ہے ۔ میڈیاٹیک امیجک 1190 کے ساتھ میڈیاٹیک ڈائمنسٹی 9500 را ڈومین پری پروسیسنگ 200 میگا پکسل تک کیپچر اور این پی یو-اسسٹڈ فوکسنگ کو سپورٹ کرتا ہے ۔ ساتھ ہی سینیماٹک 4 کے 60 ایف پی ایس پورٹریٹ ویڈیو بھی فراہم کرتا ہے ۔