کیمرون کے بار میں دھماکہ ، ایک کی موت ، 4 زخمی

یاؤنڈے ، 15 ستمبر (یو این آئی) کیمرون کے شورش زدہ اینگلو فون شمال مغربی علاقے میں ایک بار میں اتوار کے روز ایک دیسی ساختہ بم دھماکے میں ایک شخص ہلاک اور چار دیگر زخمی ہو گئے ، سکیورٹی ذرائع نے یہ اطلاع دی۔
افسران کے مطابق یہ دھماکہ علاقے کے بٹیبو مقام پر ہوا ، جس میں بم ایک پولیس اسٹیشن کے قریب ایک بار میں نصب کیا گیا تھا ۔
ایک علاقائی سکیورٹی افسر نے ژنہوا کو بتایا۔”گروہ نے اس بار کو اس لیے نشانہ بنایا کیونکہ پولیس اہلکار اکثر وہاں جمع ہوتے ہیں۔ تاہم، دھماکے کے وقت کوئی پولیس اہلکار وہاں موجود نہیں تھا۔ تمام متاثرین عام شہری تھے جو اپنے دوستوں اور کنبے کے ساتھ وقت گزارنے تھے ۔”
کسی گروہ نے حملے کی ذمہ داری قبول نہیں کی ہے ، لیکن مقامی افسران نے اس حملے کا ذمہ دار علاقے میں سرگرم علیحدگی پسند جنگجوؤں کو قرار دیا ہے
پیر کے روز ، علیحدگی پسندوں نے کیمرون کے انگریزی بولنے والے شمال مغربی اور جنوب مغربی علاقوں میں اسکولوں کے دوبارہ کھلنے اور اکتوبر کے صدارتی انتخابات میں خلل ڈالنے کے لیے ایک ماہ طویل لاک ڈاؤن کا آغاز کیا ۔
علیحدگی پسند ایک آزاد ملک بنانے کی کوشش میں 2017 سے علاقوں میں سرکاری افواج کے ساتھ تصادم کر رہے ہیں ۔