شوپیاں:دو ’عادی‘ چور پی ایس کے

شوپیاں/۱۳ ستمبر
جنوبی کشمیر کے شوپیاں ضلع میں پولیس نے دو افراد کو پبلک سیفٹی ایکٹ (پی ایس اے) کے تحت حراست میں لے لیا ہے۔
پولیس نے انہیں عادی مجرم قرار دیتے ہوئے کہا ہے کہ ان کا مجرمانہ ریکارڈ طویل ہے اور وہ عوامی امن و سکون کے لیے مستقل خطرہ بنے ہوئے ہیں۔
ملزمان کی شناخت الطاف مشتاق گنائی ولد مشتاق احمد گنائی ساکن میمندر اور شوکت احمد وانی ولد غلام نبی وانی ساکن آستان محلہ، ارہامہ کے طور پر ہوئی ہے۔
ایک پولیس افسر نے بتایا کہ دونوں کو ڈسٹرکٹ مجسٹریٹ شوپیاں سے نظر بندی کے احکامات حاصل کرنے کے بعد حراست میں لیا گیا اور بعد ازاں انہیں اْدھمپور ڈسٹرکٹ جیل منتقل کر دیا گیا۔
پولیس کے مطابق یہ دونوں ۲۰۱۶ سے سرگرم ہیں اور شوپیاں پولیس اسٹیشن میں ان کے خلاف کم از کم ۱۲ایف آئی آر درج ہیں۔
الطاف مشتاق کے خلاف سات مقدمات درج ہیں جن میں چوری، ڈکیتی، دھمکیاں دینے اور تشدد کے واقعات شامل ہیں، جبکہ شوکت احمد پانچ الگ الگ مقدمات میں ملوث ہے جن میں چوری، عوامی بدامنی اور دیگر جرائم شامل ہیں۔
حکام نے کہا کہ متعدد بار گرفتاریوں اور ضمانت کے باوجود دونوں افراد دوبارہ غیر قانونی سرگرمیوں میں ملوث ہو جاتے تھے۔ ایک اہلکار نے بتایا ’’ان کی مجرمانہ سرگرمیوں میں بار بار شمولیت اور عوام کے لیے مسلسل وبال جان بننے کے باعث دونوں کو عادی مجرم قرار دیا گیا ہے۔‘‘
پولیس نے مزید کہا کہ یہ اقدام اس لیے اْٹھایا گیا تاکہ دونوں مزید عوامی امن اور نظم کو درہم برہم نہ کر سکیں۔