جالندھر: خالی پلاٹ میں کوڑا پھینکنے پر 3 لاکھ روپے کا ہوگا جرمانہ

جالندھر، 29 اگست (یو این آئی) پنجاب میں جالندھر کی ضلعی انتظامیہ نے لاپروائی کرنے والے 12 پلاٹ مالکان کے خلاف کریک ڈاؤن کیا ہے اور خالی پلاٹوں سے کوڑا نہ اٹھانے والوں پر 3 لاکھ روپے کا جرمانہ عائد کیا ہے ۔
ڈپٹی کمشنر ڈاکٹر ہمانشو اگروال نے جمعہ کے روز عہدیداروں کے ساتھ ایک میٹنگ کی صدارت کرتے ہوئے کہا کہ انتظامیہ کو اب تک ڈپٹی کمشنر آفس ایکشن ہیلپ لائن پر 440 شکایات موصول ہوئی ہیں، جس کے بعد تمام 440 پلاٹ مالکان کو نوٹس جاری کردیئے گئے ہیں۔ انہوں نے کہا کہ ہدایات پر عمل نہ کرنے کے 12 کیسز میں ریڈ انٹری پہلے ہی کی جا چکی ہے ۔
ڈاکٹر اگروال نے باشندوں سے اپیل کی کہ وہ واٹس ایپ ہیلپ لائن نمبر 9646-222-555 کے ذریعے تصاویر، صحیح جگہ اور خالی پلاٹوں میں کوڑا اٹھانے کا ایک مختصر نوٹ شیئر کرکے اس مہم کی حمایت کریں۔ انہوں نے واضح کیا کہ یہ نمبر صرف واٹس ایپ میسجز کے لیے ہے ، فون کالز کے لیے نہیں۔ اس کے علاوہ ضلع میں 111 خالی پلاٹوں سے کوڑا ہٹایا گیا ہے ۔