نیرج چوپڑا ڈائمنڈ لیگ فائنل میں دوسرے نمبر پر رہے

زیورخ (سوئٹزرلینڈ)، 29 اگست (یو این آئی) ہندوستان کے نیرج چوپڑا نے ڈائمنڈ لیگ فائنل 2025 کے مردوں کے جیولن تھرو مقابلے میں 85.01 میٹر کے تھرو کے ساتھ دوسرا مقام حاصل کیا۔ اس کے ساتھ ہی جرمنی کے جولین ویبر نے 91.51 میٹر کے تھرو کے ساتھ خطاب اپنے نام کیا۔
لیٹزیگرنڈ اسٹیڈیم میں منعقدہ مقابلے میں ہندوستان کے نیرج چوپڑا نے مقابلے کا آغاز اچھا کیا اور پہلی کوشش میں 84.35 میٹر پھینکا۔ تاہم درمیانی تین کوششوں میں مسلسل فاؤل کی وجہ سے وہ پیچھے رہ گئے۔ پانچواں تھرو بھی ناکام رہا لیکن نیرج نے چھٹی اور آخری کوشش میں شاندار واپسی کی اور 85.01 میٹر کا فاصلہ ریکارڈ کیا اور دوسرے نمبر پر رہے۔ یہ تھرو انہیں کیشورن والکوٹ سے آگے لے گیا، جو 84.95 میٹر کے ساتھ تیسرے نمبر پر رہے۔
جرمنی کے ویبر نے اپنی دوسری کوشش میں 91.51 میٹر کا تھرو پھینکا۔ کوئی اور ایتھلیٹ یہ فاصلہ عبور کرنے میں کامیاب نہ ہو سکا اور ویبر نے نیا ذاتی بہترین اور عالمی برتری کا ریکارڈ بنا کر خطاب جیت لیا۔
مقابلے کے دیگر دعویدار گریناڈا کے اینڈرسن پیٹرز 82.06 میٹر کے ساتھ چوتھے، کینیا کے جولیس یگو 82.01 میٹر کے ساتھ پانچویں، 81.81 میٹر کے ساتھ چھٹے نمبر پر مالدووا کے ایڈرین مارڈار اور 81.29 میٹر (ذاتی بہترین) کے ساتھ ساتویں نمبر پر سوئٹزرلینڈ کے سائمن ویلینڈ تھے۔یو این آئی۔ این یو۔