یو اے ای نے سہ فریقی سیریز کے لیے 15 رکنی ٹیم کا اعلان کیا، محمد وسیم کپتان نامزد

دبئی ، 27 اگست (یواین آئی) متحدہ عرب امارات کرکٹ بورڈ نے محمد وسیم کو پاکستان اور افغانستان کے ساتھ ہونے والی آئندہ سہ فریقی سیریز کے لیے کپتان نامزد کیا ہے۔ یہ ٹورنامنٹ 29 اگست سے شارجہ کرکٹ اسٹیڈیم میں منعقد ہوگا۔ یہ سیریز 9 ستمبر سے متحدہ عرب امارات میں شیڈول ایشیا کپ 2025 کے لیے وارم اپ کا کام کرے گی۔
تفصیلات کے مطابق تجربہ کار اوپننگ بلے باز محمد وسیم ٹی ٹوئنٹی سہ فریقی سیریز 2025 میں متحدہ عرب امارات کی ٹیم کی قیادت کریں گے۔
سہ فریقی سیریز کا آغاز 29 اگست سے شارجہ کرکٹ اسٹیڈیم میں ہوگا۔ یو اے ای 30 اگست کو ٹورنامنٹ کے اپنے افتتاحی میچ میں پاکستان کے خلاف میدان میں اترے گی۔
واضح رہے کہ سیریز میں میزبان یو اے ای کے علاوہ پاکستان اور افغانستان کی ٹیمیں شامل ہیں۔
یو اے ای اسکواڈ:
محمد وسیم (کپتان)، علیشان شرافو، آریانش شرما (وکٹ کیپر)، آصف خان، دھرو پراشر، ایتھن ڈی سوزا، حیدر علی، ہرشیت کوشک، جنید صدیق، محمد فاروق، محمد جواد اللہ، محمد زوہیب، راہول چوپڑا (وکٹ کیپر)، روہید خان اور صغیر خان