ڈوڈہ میں وی ڈی جی کو زد کوب کرنےکے الزام میں پولیس کانسٹیبل معطل

جموں کشمیر کے ضلع ڈوڈہ میں ایک پولیس کانسٹبل کو مبینہ طور پر ایک ولیج ڈیفنس گارڈ (وی ڈی جی) کو زد وکوب کرنے کے الزام میں معطل کر دیا گیا۔
ایک پولیس ترجمان نے بتایا کہ پولیس پوسٹ پریم نگر کے محمد ضیاء کے مبینہ بدانتظامی، خاص طور پر ولیج ڈیفنس گروپ (وی ڈی جی) کے ایک رکن کی مبینہ پٹائی، کا سخت نوٹس لیتے ہوئے سینئر سپرنٹنڈنٹ آف پولیس ڈہ ڈہ سندیپ نے فوری اور سخت کارروائی کی ہے ۔
ترجمان نے کہا کہ محمد ضیا کو فوی طور معطل کر دیا گیا ہے اور ضلع پولیس لائنز (ڈی پی ایل) بھیج دیا گیا ہے ۔ان کا کہنا ہے کہ اس ضمن میں ایک محکمانہ انکوائری کا حکم دیا گیا ہے ،اور ایک سینئر افسر کو انکوائری افسر کے طور پر مقرر کیا گیا ہے تاکہ واقعے کی جامع تحقیقات کی جا سکیں۔
پولیس ترجمان نے بتایا کہ موصوف افسر کو انکوائری رپورٹ کو دو ہفتوں کے اندر پیش کرنے کی ہدایت دی گئی ہے ۔انہوں نے کہا’’اس بات کا اعادہ کیا جاتا ہے کہ یہ معاملہ ضلعی پولیس کے زیر غور ہے ، اور جو بھی فرد غلط کام میں ملوث پایا گیا اس کے ساتھ قانون کے مطابق سختی سے نمٹا جائے گا۔