نیتن یاہو کے خلاف کرپشن کیسز کا امریکہ ساتھ نہیں دے گا

واشنگٹن //
امریکہ کے صدر ڈونلڈ ٹرمپ نے دو ٹوک انداز میں کہہ دیا ہے کہ امریکہ اسرائیلی وزیر اعظم نیتن یاہو کے خلاف کپشن کیسز چلائے جانے کے ساتھ کھڑا نہیں ہو گا۔ انہوں نے ایک ہفتے کے دوران یہ موقف دوسری بار پیش کیا ہے۔
ہفتے کے روز انہںوں نے واشگاف الفاظ میں اپنے اکاؤنٹ ’ٹروتھ سوشل پر لکھا امریکہ نیتن یاہو کے خلاف اس مسلسل جاری عدالتی کارروائی کا ساتھ نہیں دے گا۔ وہ عدالتی کارروائی جو وزیر اعظم کے خلاف کرپشن کی بنیاد پر کی جارہی ہے۔
ان کا کہنا تھا امریکہ ان کرپشن الزامات کے سات نہیں ہے۔
صدر ٹرمپ نے اسرائیل کے لیے امریکہ قربانیوں اور خدمات کا ذکر کرتے ہوئے کہا ایک سال کے دوران اسرائیل پر لگائے گئے اربوں ڈالر خرچ کیے ہیں۔ ہہ خطیر رقم دنیا کی کسی بھی دوسری قوم پر امریکہ کی طرف سے خرچ کی گئی امریکی رقم سے زیادہ ہے۔ ہم اسرائیل کا تحفظ بھی کر رہے ہیں اور اس کی مدد بھی۔
ٹرمپ کا یہ سخت لہجت کا بیان اسرائیلی عدالت کی طرف سے نیتن یاہو کے خلاف کرپشن کیسز بغیر کسی توقف کے جاری رکھنے کے حالیہ فیصلے کے بعد سامنے آیا ہے۔ اسرائیلی عدالت نے نیتن یاہو کے مقدمات کے التوا کی درخواست اسی ہفتے مسترد کی ہے۔