انگلینڈ میں کس بھارتی کپتان کا بجتا ہے ڈنکا؟

نئی دہلی//
وراٹ کوہلی وہ ہندوستانی ہیں جنہوں نے انگلینڈ میں بطور کپتان سب سے زیادہ ٹیسٹ میچ جیتے ہیں۔ وہ واحد کپتان ہیں جنہوں نے تین ٹیسٹ میچوں میں انگریزوں کو شکست دی ہے۔ کوہلی نے انگلش سرزمین پر 10 ٹیسٹ میچوں میں ہندوستان کی قیادت کی اور تین مواقع پر انہیں فتح دلائی۔ 2018 میں کوہلی کی کپتانی میں ٹیم نے ٹرینٹ برج میں میزبان ٹیم کو شکست دی جبکہ 2021 میں اس نے لارڈز اور اوول میں کامیابی حاصل کی۔
1983 ورلڈ کپ جیتنے والے کپتان کپل دیو 1986 میں انگلینڈ میں ٹیسٹ سیریز جیتنے والے دوسرے ہندوستانی کپتان بن گئے۔ کپل کی کپتانی میں ہندوستانی ٹیم نے تین میچوں کی سیریز 2-0 سے جیتی۔ اس میں لارڈز اور ہیڈنگلے کی فتوحات شامل تھیں۔ یہ انگلش سرزمین پر ہندوستان کی سب سے بڑی فتح ہے۔ اس سیریز کے علاوہ کپل نے انگلینڈ میں کسی بھی ٹیسٹ میچ میں ہندوستان کی کپتانی نہیں کی۔
اجیت واڈیکر انگلینڈ میں ٹیسٹ میچ اور سیریز جیتنے والے پہلے ہندوستانی کپتان تھے۔ واڈیکر کی کپتانی میں، ہندوستان نے اوول میں تیسرا ٹیسٹ چار وکٹوں سے جیت کر سیریز میں 1-0 کی تاریخی جیت درج کی۔ اس سے قبل لارڈز اور مانچسٹر ٹیسٹ ڈرا ہوئے تھے۔ واڈیکر نے 1974 کے انگلینڈ کے دورے پر بھی ہندوستان کی کپتانی کی تھی جہاں ٹیم تینوں میچ ہار گئی تھی اور 3-0 سے وائٹ واش ہوئی تھی۔