ہم ارجنٹائن کے خلاف کھیلنے کے لیے مکمل طورپر تیار : ہرمن پریت

ایمسٹرڈیم// ہندوستانی مرد ہاکی ٹیم کے کپتان ہرمن پریت سنگھ نے کہا کہ ایف آئی ایچ ہاکی پرو لیگ 2024-25 کے یورپین لیگ کے افتتاحی میچ میں ہالینڈ کے ہاتھوں شکست کو بھول کر ٹیم ارجنٹینا کے خلاف چیلنج کا سامنا کرنے کے لیے پوری طرح تیار ہے آنے والے میچوں سے قبل، ہندوستانی مردوں کی ہاکی ٹیم کے کپتان ہرمن پریت سنگھ نے کہا، "ہم ارجنٹائن کے خلاف میچوں میں چیلنجز سے واقف ہیں۔ ٹیم ہر روز سخت مشق کر رہی ہے اور ہمیں اچھی کارکردگی کا یقین ہے۔ ارجنٹائن ایک مضبوط ٹیم ہے اور اس سطح پر کوئی بھی میچ آسان نہیں ہوتا۔””
ہرمن پریت نے کہا، "ہم کسی بھی صورتحال کا سامنا کرنے کے لیے تیار ہیں۔ ہم نے اس ٹورنامنٹ کے لیے اچھی تیاری کی ہے اور لیڈ اپ میں مختلف کمبی نیشن اور حکمت عملی آزمائی ہے۔ ہمیں ارجنٹائن کے خلاف مضبوط کارکردگی کا یقین ہے۔”
انہوں نے کہا، "ٹیم کا ارجنٹائن کے خلاف اچھا ٹریک ریکارڈ رہا ہے، لیکن ہم کسی چیز کو ہلکے میں نہیں لے رہے ہیں۔ وہ نتائج ماضی کی بات ہیں۔ ہمیں ورلڈ کپ کوالیفائی کرنے کے لیے موجودہ وقت میں اچھی کارکردگی دکھانے کی ضرورت ہے۔ ٹیم سخت پریکٹس کر رہی ہے اور کوچنگ اسٹاف ہماری بہت حوصلہ افزائی کر رہا ہے۔ مجھے یقین ہے کہ ہم اچھی کارکردگی کا مظاہرہ کریں گے۔”
خیال رہے کہ حالیہ برسوں میں دونوں ٹیموں کے درمیان مقابلون میں ہندوستان کا ارجنٹینا کے خلاف اچھا ریکارڈ رہا ہے۔ پیرس 2024 اولمپکس میں دونوں ٹیموں کے درمیان سنسنی خیز ڈرا کھیلا گیا۔ ہندوستان نے ایف آئی ایچ ہاکی پرو لیگ 2023-24 میں ارجنٹینا کو دو بار شکست دی۔ ہندوستان کو دوسری جیت شوٹ آؤٹ میں ملی تھی۔