بارہمولہ میں ضبط شدہ نشیلی ادویات کو تباہ کردیا گیا :پولیس

سرینگر///
بارہمولہ پولیس نے این ڈی پی ایس ایکٹ کی دفعہ ۵۲؍اے کے تحت کروڑوں روپیے مالیت کے ضبط شدہ ممنوعہ مواد کی ایک بڑی مقدار کو تباہ کر دیا۔
ایک پولیس ترجمان نے بتایا کہ ضلع سطح کی ڈرگ ڈسپوزل کمیٹی بارہمولہ نے مجسٹریٹ کی موجودگی میں کشمیر ہیلتھ کیئر سسٹم، آئی جی سی لاسی پورہ پلوامہ میں کروڑوں روپیے مالیت کے ضبط شدہ ممنوعہ مواد کی ایک بڑی مقدار کو تباہ کر دیا۔
ترجمان نے کہا کہ تباہ شدہ منشیات کا تعلق اوڑی، کریری، شیری، بارہمولہ، بونیار اور پٹن کے پولیس تھانوں میں درج ۳۳مختلف مقدمات سے تھا۔
ان کا کہنا ہے کہ تبادہ شدہ مواد میں۳۷۰ء۱ کلوگرام ہیروئن‘۷۰۳ء۱کلوگرام چرس‘۱۳کلو پوست کا بھوسا‘۱۲۱ء۲۰کلو گرام گانجا، الپرازولم۵ء۰ملی گرام کی۳۴۰گولیاں ‘ اسپاسموپروکسیون کے۶۸کیپسول، کور۵ کوریکس‘ایک کے۶۸کیپسول،ٹسکل ٹی کوڈین کی۵بوتلیں، اور سپاس مڈ کی۱۰سٹرپس ۲۴۰کیپسول) شامل ہے ۔
پولیس ترجمان نے بتایا کہ مقامی لوگوں نے پولیس کی منشیات کی بیخ کنی کے لئے جاری کاوشوں کی سراہنا کی۔ انہوں نے کہا کہ پولیس معاشرے سے منشیات کی بیخ کنی کو یقینی بنانے کے لئے پر عزم ہے ۔