رضوان کی کپتانی اورپچھلے میچوں میں سفیان کی غیرموجودگی نے سوالات اٹھا دیے

کراچی//اسپورٹس صحافی شاہد ہاشمی نے تجریہ کرتے ہوئے کہا ہے کہ پاکستانی ٹیم مینجمنٹ بہت غلطیاں کررہی ہے، رضوان کی کپتانی بہت ہی خراب رہی۔نجی ٹی وی پروگرام میں شاہد ہاشمی کا کہنا تھا کہ فہیم اشرف نے خود کہا کہ جب ہم بیٹنگ کیلیے آئے تو بال پرانی ہوگئی تھی، مگر میرے خیال میں اس کی وجہ یہ ہے کہ فہیم اشرف نے وہاں ٹیسٹ میچز کھیلے ہوئے ہیں، وہاں اچھا اسکور کیا ہے، اس نے ٹیسٹ میچز میں سوئنگ کنڈیشن میں بیٹنگ کی ہوئی ہے۔
شاہد ہاشمی نے کہا کہ بہت غلطیاں کررہی ہے پاکستان کی ٹیم مینجمنٹ ان کنڈیشن میں صبح سے ابر آلود موسم تھا فلڈ لائٹس جلتی رہیں، اس میچ میں رضوان کی کپتانی بہت ہی خراب رہی۔انھوں نے کہا کہہ سلو اوور ریٹ کی وجہ سے پاکستان ٹیم کو دوسری بار جرمانہ کیا گیا، وہ بہت مایوس ہورہے تھے جب حارث رئوف وائیڈ بالز کروارہے تھے۔
شاہد ہاشمی نے نشاندہی کی کہ 27ویں اوور میں نیوزی لینڈ کی پانچویں وکٹ گری تھی اسکور اس وقت 132 رنز تھا، کیوی بیٹرز اس وقت چکرا گئے تھے، تاہم کپتان نے 28واں اور 29واں اوور فاسٹ بولرز سے کروادیا اور سفیان کو آگئے پیچھے رکھ لیا۔
کامران اکمل نے چیمپئنزٹرافی کے حوالے سے اظہار خیال کرتے ہوئے کہا کہ اس وقت ٹیم میں بہت سی چیزیں بہتر ہوسکتی تھی، فہیم اشرف کو کل کھلانے کی یہ وجہ تھی کہ ٹف کنڈیشن ہے اسے کھلائیں اور سائیڈ لائن کریں۔انھوں نے کہا کہ سفیان کو اپنے ٹی ٹوئنٹی میں ایک میچ کھلایا اور یہاں پر آپ پہلے ون ڈے میں صرف چار بولرز کے ساتھ جارہے ہیں، لگتا ہے کپتان بولرز کو ٹھیک طرح سے استعمال نہیں کرپارہے اور وہ اس طور پر سوچنا بھی پسند نہیں کرتے۔