بی جے پی کے ساتھ ہاتھ ملانے کا سوال ہی پید ا نہیں ہوتا :نائب وزیرا علیٰ

سرینگر//
جموںکشمیر کے نائب وزیر اعلیٰ‘سریندر کمار چودھری کا کہنا ہے کہ بی جے پی کے ساتھ اتحاد کرنا خارج از امکان ہے ۔
چودھری نے کہاکہ نیشنل کانفرنس کو حکومت چلانے کی خاطر کسی کے سپورٹ کی ضرورت نہیں۔
ان باتوں کا اظہار نائب وزیر اعلیٰ نے شوپیاں میں نامہ نگاروں سے بات چیت کے دوران کیا۔
چودھری نے کہاکہ نیشنل کانفرنس کو حکومت چلانے کی خاطر کسی کے سپورٹ کی ضرورت نہیں ہے ۔
نائب وزیرا علیٰ نے کہاکہ افواہیں پھیلائی جارہی ہیں کہ نیشنل کانفرنس اور بی جے پی کے درمیان الائنس کا امکان ہے جو من گھڑت اور حقیقت سے بعید ہے ۔
چودھری نے سوالیہ انداز میں کہا کہ جب نیشنل کانفرنس کے پاس حکومت چلانے کی خاطر عددی برتری ہے تو بھلا ہم بی جے پی کے ساتھ کیوں گڑھ جوڑ کریں۔انہوں نے مزید بتایا کہ بی جے پی کے ساتھ الائنس کا کوئی امکان نہیں اور نہ ہی ایسا کھبی ہوسکتا ہے ۔
نائب وزیر اعلیٰ نے کہاکہ عمر عبداللہ کی قیادت میں سرکار اچھا کام کر رہی ہے اور لوگوں کے مسائل کے حل کی خاطر زمینی سطح پر اقدامات اٹھائے گئے ہیں۔
منشیات کے بارے میں پوچھے گئے سوال کے جواب میں چودھری نے کہاکہ جموں وکشمیر میں ڈرگس کہاں سے آرہا ہے اس کی اعلیٰ سطحی تحقیقا ت ہونی چاہئے ۔
چودھری نے کہاکہ لیفٹیننٹ گورنر منوج سنہا کو اس اہم مسئلے پر اب مداخلت کرنی چاہئے ۔