امام الحق کے ساتھ لمبی پارٹنر شپ کا ارادہ تھا، بابر اعظم

کراچی//
پاکستان کرکٹ ٹیم کے کپتان بابر اعظم نے ویسٹ انڈیز کے خلاف دوسرے میچ پر اظہار خیال کرتے ہوئے کہا ہے کہ امام الحق اور میرا لمبی پارٹنرشپ کا ارادہ تھا لیکن بدقسمتی سے امام آؤٹ ہوگیا۔
میچ جیتنے کے بعد گفتگو کرتے ہوئے بابر اعظم نے کہا کہ میرے خیال سے ہم نے دس سے پندرہ رنز کم بنائے، بیک ٹو بیک وکٹیں گرنے کی وجہ سے خوشدل کو روک لیا تھا۔
دوسرے ون ڈے کے پلیئر آف دی میچ محمد نواز نے کہا کہ مجھے آئیڈیا تھا کہ مثبت جگہ گیند کروں گا تو مدد ملے گی، بطور آل راؤنڈر اچھا پرفارم کرنے کی کوشش کرتا ہوں۔
واضح رہے کہ گزشتہ روز پاکستان نے ویسٹ انڈیز کو دوسرے ون ڈے میں 120 رنز کے بھاری مارجن سے ہرا کر سیریز میں 0-2 کی فیصلہ کن برتری حاصل کرلی ہے۔
پاکستان کی جانب سے دیے گئے 276 رنز کے ہدف کے تعاقب میں مہمان ٹیم 155 رنز پر سمٹ گئی تھی۔