منی پور تشدد: کھڑگے نے مرمو سے مداخلت کی اپیل کی

نئی دہلی// کانگریس کے صدر ملکارجن کھڑگے نے منی پور میں تشدد کے سلسلے میں صدر دروپدی مرمو کو منگل کو ایک خط لکھ کر مداخلت کرنے کی اپیل کی اور کہا کہ ڈیڑھ سال سے جاری تشدد نے لوگوں کو برباد کر دیا ہے ۔ انہیں امید ہے کہ صدر کی مداخلت سے وہاں امن بحال ہو جائے گا۔
مسٹر کھڑگے نے کہا کہ مرکزی اور ریاستی حکومتوں کے ذریعہ منی پور میں تشدد کی وجہ سے لوگوں کی زندگی بہت مشکل ہوگئی ہے ۔ ریاست میں 540 سے زائد دنوں سے تشدد جاری ہے اور وزیر اعظم اور ریاست کے وزیر اعلی عوام کے مسائل حل کرنے میں دلچسپی نہیں لے رہے ہیں۔
انہوں نے کہاکہ ریاست میں جاری تشدد کی وجہ سے 300 سے زیادہ لوگ اپنی جانیں گنوا چکے ہیں اور ایک دوسرے کے خون کے پیاسے لوگ معصوم بچوں، خواتین اور بوڑھوں کو بھی نہیں بخش رہے ہیں اور انہیں قتل کیا جا رہا ہے ۔ وزیر اعظم نریندر مودی تشدد سے متاثرہ منی پور جانے کے لیے تیار نہیں ہیں اور لوگوں کے مسائل حل نہیں ہو رہے ہیں۔
کانگریس صدر نے امید ظاہر کی کہ صدر کے دفتر کی مداخلت سے منی پور کے لوگوں کی زندگیوں میں امن بحال ہوگا اور لوگ اپنے گھروں میں سکون سے رہ سکیں گے ۔