بی جے پی نے۲۹؍امیدواروں کے ناموں کا اعلان کیا

نئی دہلی//
بھارتیہ جنتا پارٹی (بی جے پی) نے جموں و کشمیر اسمبلی انتخابات کے دوسرے اور تیسرے مرحلے کیلئے منگل کو اپنے۲۹؍امیدواروں کے ناموں کا اعلان کیا۔
پارٹی کے جنرل سکریٹری ارون سنگھ نے آج یہاں بتایا کہ بی جے پی کی سینٹرل الیکشن کمیٹی کی میٹنگ میں ان ناموں کو منظوری دی گئی۔
وزیر اعظم نریندر مودی کی موجودگی میں اور پارٹی صدر جگت پرکاش نڈا کی صدارت میں منعقدہ مرکزی الیکشن کمیٹی کی میٹنگ میں وزیر داخلہ امت شاہ، بی جے پی کے تنظیمی جنرل سکریٹری بی ایل سنتوش، بی جے پی کے جنرل سکریٹری ترون چُگ نے شرکت کی۔ اس کے علاوہ ریاستی امور کے انچارج رام مادھو، مرکزی وزیر جتیندر سنگھ، جموں و کشمیر ریاستی بی جے پی کے صدر رویندر رینا وغیرہ موجود تھے ۔
قبل ازیں پیر کو بی جے پی نے مرکز کے زیر انتظام علاقے میں ہونے والے اسمبلی انتخابات کے پہلے مرحلے کیلئے۱۶؍امیدواروں کے ناموں کا اعلان کیا تھا۔
دوسرے مرحلے کے انتخابات کیلئے امیدواروں حبہ کدل سے اشوک بھٹ‘گلاب گڑھ (ایس سی) سے محمد اکرم چودھری‘ریاسی سے کلدیپ راج دوبے ‘ماتا ویشنودیوی سے بلدیو راج شرما‘کالاکوٹ سندر بنی سے ٹھاکر رندھیر سنگھ‘بدھل (ایس سی )سے چوہدری ذوالفقار علی‘تھانہ منڈی (ایس سی )سے محمد اقبال ملک‘سنارکوٹ (ایس سی )سے سید مشتاق احمد بخاری ‘پونچھ حویلی سے چوہدری عبدالغنی
اورمینڈھر (ایس سی ) سے مرتضیٰ خان شامل ہیں۔
پارٹی نے تیسرے مرحلے کیلئے جن امیدواروں کے ناموں کا اعلان کیا ہے ان میںادھم پور ویسٹ سے پون گپتا‘چنانی سے بلونت سنگھ منکوٹیا ‘رام نگر (ایس سی) سے سنیل بھاردواج‘بنی سے جیون لال‘بلاور سے ستیش شرما‘بسوہلی سے درشن سنگھ‘جسروٹا سے راجیو جسروٹیا ‘ہیرا نگر سے ایڈووکیٹ وجے کمار شرما‘رام گڑھ (ایس سی) سے ڈاکٹر دیویندر کمار منیال‘سانبہ سے سرجیت سنگھ سلاتھیا۔وجے پورسے چندر پرکاش گنگا‘سوچیت گڑھ (ایس سی) سے گھرو رام بھگت‘آر ایس پورہ جموں جنوبی سے ڈاکٹر نریندر سنگھ رائنا‘جموں ایسٹ سے یودھویر سیٹھی‘نگروٹہ سے دیویندر سنگھ رانا‘جموں ویسٹ سے اروند گپتا‘جموں شمالی سے شام لال شرما‘اکھنور (ایس سی ) سے موہن لال بھگت اورچھمب سے راجیو شرما شامل ہیں۔