جموں وکشمیر میں یکم ستمبر تک بارشوں کا امکان

سرینگر//
محکمہ موسمیات کی پیش گوئی کے مطابق جموں کشمیر کے کچھ حصوں میں یکم ستمبر تک خاص طور پر صبح اور شام کے وقت بارشوں کا امکان ہے ۔
محکمے کی طرف سے جاری ایڈوئزری کے مطابق جموں خطے کے کچھ حصوں میں ۲۷سے۳۰؍اگست تک صبح اور شام کے وقت تیز بارشیں ہوسکتی ہیں جس کے نتیجے میں خطرناک مقامات پر سیلابی ریلے ، زمین کھسکنے ، مٹی کے تودے گر آنے اور چٹانیں کھسکنے کے خطرات ہیں۔
متعلقہ محکمے کے ایک ترجمان نے بتایا کہ جموں و کشمیر میں۲۷سے۳۰؍اگست تک کئی مقامات پر گرج چمک کے ساتھ ہلکی سے درمیانی درجے کی بارشوں کا امکان ہے ۔انہوں نے کہا کہ۳۱؍اگست اور یکم ستمبر کو بھی کہیں کہیں گرج چمک کے ساتھ بارشوں کا مختصر مرحلہ متوقع ہے ۔ان کا کہنا تھا کہ بعد ازاں جموں وکشمیر میں۵ستمبر تک موسم مجموعی طور پرخشک رہنے کا امکان ہے ۔
محکمے کی طرف سے جاری ایڈوئزری کے مطابق جموں خطے کے کچھ حصوں میں۲۷سے۳۰؍اگست تک صبح اور شام کے وقت تیز بارشیں ہوسکتی ہیں جس کے نتیجے میں خطرنات مقامات پر سیلابی ریلے ، زمین کھسکنے ، مٹی کے تودے گر آنے اور چٹانیں کھسکنے کے خطرات ہیں۔
ترجمان کے مطابق گذشتہ چوبیس گھنٹوں کے دوران جموں میں۲ء۶۴ملی میٹر بارش ریکارڈ ہوئی ہے جبکہ کٹھوعہ میں۲ء۶۵ملی میٹر، اودھم پور میں۸ء۶۴ملی میٹر اور سانبہ میں۰ء۵۳ملی میٹر بارش ریکارڈ ہوئی ہے ۔
سیاحتی مقام گلمرگ میں گذشتہ چوبیس گھنٹوں کے دوران۰ء۳ملی میٹر بارش ریکارڈ ہوئی ہے جبکہ پہلگام میں ہلکی بوندا باندی ہوئی ہے ۔گیٹ وے آف کشمیر کے نام سے مشہور قصبہ قاضی گنڈ میں بھی۸ء۰ملی میٹر بارش ریکارڈ ہوئی ہے ۔