آسٹریلیا نے ویمنز ٹی ٹوئنٹی ورلڈ کپ کے لیے ٹیم کا اعلان کیا

سڈنی//) آسٹریلیا نے اکتوبر میں متحدہ عرب امارات (یو اے ای) میں ہونے والے خواتین کے ٹی 20 ورلڈ کپ کے لیے ایلیسا ہیلی کی قیادت میں 15 رکنی اسکواڈ کا اعلان کیا ہے۔
پیر میں اسٹریس فریکچر سے صحت یاب ہونے والی ڈارسی براؤن کو بھی آسٹریلوی ٹیم میں شامل کیا گیا ہے۔ تاہم یہ پہلا موقع ہے کہ تجربہ کار اسپنر جیس جانسن کو ورلڈ کپ ٹیم میں شامل نہیں کیا گیا ہے۔ اس کے علاوہ گریس ہیرس اور سوفی مولینو بھی ٹیم میں ہیں۔ انہوں نے انجری سے جلد واپسی کے لیے انگلینڈ میں ہنڈریڈ ٹورنامنٹ میں شرکت نہیں کی تھی۔ براؤن کے ساتھ ورلڈ کپ اسکواڈ میں ٹائلا ولیمنک ہیں۔ فیبی لیچفیلڈ کے لیے، یہ ان کا پہلا ٹی20 ورلڈ کپ ہوگا۔
یہ ٹیم آئندہ ماہ نیوزی لینڈ کے خلاف تین ٹی ٹوئنٹی میچ بھی کھیلے گی۔ تاہم اس ٹیم میں آل راؤنڈر ہیتھر گراہم بھی شامل ہیں جو ورلڈ کپ ٹیم کا حصہ نہیں ہیں۔
ویمنز ٹی20 ورلڈ کپ کے لیے آسٹریلوی ٹیم اس طرح ہے:- ایلیسا ہیلی (کپتان/وکٹ کیپر)، ڈارسی براؤن، ایشلے گارڈنر، کم گارتھ، گریس ہیرس، الانا کنگ، فوبی لیچ فیلڈ، تالیہ میک گرا، سوفی مولینو، بیتھ مونی، ایلیس پیری، میگن شٹ، اینابیل سدرلینڈ، جارجیا ویرہم اور ٹائلا ویلمینک۔