شاہ نے سرحدوں کے قریب وائبرنٹ ولیج پروگرام کا جائزہ لیا

نئی دہلی// مرکزی وزیر داخلہ وامداد باہمی مسٹر امت شاہ نے ہفتہ کو یہاں ایک اعلیٰ سطحی میٹنگ میں وائبرنٹ ولیج پروگرام کی پیشرفت کا جائزہ لیا، جو کہ سرحدی دیہاتوں کو ترقی دینے اور متحرک بنانے کا پروگرام ہے ، تاکہ روزگار کے مواقع کو زیادہ سے زیادہ بڑھا کر ایسے دیہاتوں سے ہجرت کو روکنے کی ضرورت پر زور دیا۔
میٹنگ سے خطاب کرتے ہوئے وزیر داخلہ نے کہا کہ وزیر اعظم نریندر مودی کی قیادت میں حکومت ہند ملک کے پسماندہ دیہاتوں کی ہمہ جہت ترقی کے لیے پرعزم ہے ۔ مسٹر شاہ نے کہا کہ یہ پروگرام مقامی باشندوں کو روزگار کے مواقع فراہم کرنے اور سرحدی دیہاتوں سے نقل مکانی کو روکنے کے لیے دیہات کے ساتھ رابطے بڑھانے کی ضروریات کو مدنظر رکھتے ہوئے چلایا جا رہا ہے ۔ مرکزی داخلہ سکریٹری، سکریٹری، بارڈر مینجمنٹ اور ڈائرکٹر جنرل، انڈو تبت بارڈر پولیس سمیت وزارت داخلہ کے سینئر افسران میٹنگ میں موجود تھے ۔
مودی حکومت نے گزشتہ سال 14 فروری کو 4800 کروڑ روپے کے مختص رقم کے ساتھ اس اہم اور ڈریم اسکیم کا آغاز کیا تھا، اس کے تحت 136 معمولی دیہاتوں کو دیہی علاقوں سے 113 باہر تک رسائی کے قابل سڑک پروجیکٹوں کے ذریعے جوڑا جائے گا۔ اس کے لیے 2420 کروڑ روپے فراہم کیے جا رہے ہیں۔ اس پروگرام کے تحت آنے والے تمام دیہات اس سال کے آخر تک 4جی نیٹ ورک کے ساتھ احاطہ کیے جائیں گے ۔ ان تمام گاؤں میں مالی شمولیت کے لیے اقدامات کیے گئے ہیں اور انڈیا پوسٹ پیمنٹ بینک (آئی پی پی بی) کی سہولیات بھی فراہم کی جا رہی ہیں۔
وزارت داخلہ کی ایک ریلیز میں کہا گیا ہے کہ مسٹر شاہ نے کہا کہ سرحدی دیہاتوں کے ارد گرد تعینات مرکزی مسلح پولیس فورس اور فوج کو تعاون کے ذریعے مقامی زرعی اور دستکاری کی مصنوعات کی خریداری کو فروغ دینا چاہیے ۔
انہوں نے کہا کہ قریبی دیہات کے مکینوں کو فوج اور سنٹرل آرمڈ پولیس فورسز کے صحت مراکز اور سہولیات سے باقاعدگی سے فائدہ اٹھانا چاہئے ۔ مسٹر شاہ نے کہا کہ ان گاؤں میں شمسی توانائی اور قابل تجدید توانائی کے دیگر ذرائع جیسے پون چکیوں کے زیادہ سے زیادہ استعمال پر زور دینے کی ضرورت ہے ۔