سابق آسٹریلوی کرکٹر کی پاکستانی کرکٹ ٹیم پر تنقید

سڈنی، //سابق آسٹریلوی کرکٹر لیسا اسٹھالیکر نے پاکستان کی ٹی ٹوئنٹی ورلڈ کپ میں کارکردگی پر شدید تنقید کی ہے۔
سابق آسٹریلوی کرکٹر لیسا اسٹھالیکر نے ایک پروگرام میں پاکستان کی ٹی ٹوئنٹی ورلڈ کپ میں کارکردگی پر تنقید کرتے ہوئے کہا کہ پاکستان اور نیوزی لینڈ کی ٹیموں نے ورلڈکپ میں بہت مایوس کیا۔
لیسا اسٹھالیکر نے کہا کہ پاکستان ہندوستان کے خلاف میچ دباؤ کی وجہ سے ہارا، اور ٹیم کی ناکامی کی وجہ سینئر کھلاڑیوں کا پرفارم نہ کرنا تھا، پاکستانی ٹیم کنڈیشنز سے بھی ہم آہنگ نہ ہوسکی۔
لیسا اسٹھالیکر کا کہنا تھا کہ پاکستان کو ہرا کر سپر ایٹ میں کوالیفائی کرنا امریکہ کی بڑی کامیابی تھی، امریکہ کی پاکستان کے خلاف فتح نے نیویارک میں کرکٹ کی دھوم مچادی، باسکٹ بال کے کھلاڑیوں نے بھی امریکہ کی کامیابی پر تبصرے کیے۔