فٹنیس کلچر کو فروغ دینے کی اہم ضرورت : جگدیپ دھنکڑ

نئی دہلی//) نائب صدر جگدیپ دھنکڑنے پنچایت سطح پر دواؤں کے پودوں کو فروغ دینے پر زور دیتے ہوئے پیر کو کہا کہ کارپوریٹ لیڈروں کو "کارپوریٹ سماجی ذمہ داری” ( سی ایس آر ) کے ذریعے تحقیق اور ترقی کو فروغ دینا چاہیے ۔
کرناٹک کے بیلگاوی میں انڈین کونسل آف میڈیکل ریسرچ [؟] نیشنل انسٹی ٹیوٹ آف ٹریڈیشنل میڈیسن ( این آئی ٹی ایم ) کے 18 ویں یوم تاسیس کی تقریبات سے خطاب کرتے ہوئے مسٹر دھنکڑ نے کہا کہ ملک میں فٹنس کلچر کو فروغ دینے کی ضرورت ہے ۔ انہوں نے کہا کہ ہر ہندوستانی تندرست اور صحت مند رہے تاکہ ہندوستان کی ترقی کی مہم میں مثبت رول ادا کرنے کے قابل ہو۔ انہوں نے کہا کہ ہندوستان کا روایتی ادویات کا بھرپور ذخیرہ جس میں آیوروید، سدھا، یونانی اور یوگا شامل ہیں آباؤ اجداد کے گہرے علم کا ثبوت ہے ۔ انہوں نے کہا کہ "یہ سائنس، فلسفہ اور روحانیت کا بہترین امتزاج ہیں اور دماغ، جسم اور روح اور فطرت کے درمیان توازن اور ہم آہنگی پر زور دیتے ہیں۔”
آنے والی نسلوں کے لیے حیاتیاتی تنوع اور روایتی علم کے تحفظ کی ضرورت پر زور دیتے ہوئے مسٹر دھنکڑ نے کہا کہ ملک کو صحت سے متعلق بیداری پھیلانے میں ہر گاؤں کو شامل کیا جانا چاہیے ۔ نسئب صدر جمہوریہ نے کہا ‘‘میں پنچایت کی سطح پر بھی درخواست کروں گا کہ ہمیں دواؤں کے پودوں پر خصوصی توجہ دینی چاہیے ۔’’ نائب صدر جمہوریہ نے کارپوریٹ اور عوامی لیڈروں سے اپیل کی کہ وہ تحقیق اور ترقی کی حمایت کے لیے ہر ممکن کوشش کریں۔ انہوں نے کہا کہ کمپنیوں کو اپنے سی ایس آر کو تحقیق، ترقی، اختراعات اور اسٹارٹ اپس کو فروغ دینے کے لیے استعمال کرنا چاہیے ۔