شاہد آفریدی ٹی ٹوئنٹی ورلڈ کپ کیلئے آئی سی سی کے سفیر مقرر

لاہور//قومی کرکٹ ٹیم کے سابق کپتان شاہد آفریدی آئندہ ماہ شروع ہونے والے ٹی ٹوئنٹی ورلڈ کپ کے لیے انٹرنیشنل کرکٹ کونسل (آئی سی سی) کے سفیر مقرر ہو گئے۔
آئی سی سی نے شاہد آفریدی کو ٹورنامنٹ ایمبیسیڈرز کی فہرست میں شامل کرنے کا اعلان کیا ہے کیونکہ شاہد آفریدی ٹی ٹوئنٹی ورلڈ کپ کی فاتح ٹیم کے رکن اور پلیئر آف دی ٹورنامنٹ تھے۔
شاہد آفریدی کے علاوہ آئی سی سی نے ہندوستانی کھلاڑی یوراج سنگھ، ویسٹ انڈیز کے کرس گیل اور دنیا کے تیز ترین ایتھلیٹ یوسین بولٹ کو بھی سفیر مقرر کیا ہے۔
اس موقع پر شاہد آفریدی نے کہا کہ آئی سی سی ٹی ٹوئنٹی ورلڈ کپ میرے دل کے بہت قریب ہے، پہلے ورلڈ کپ میں پلیئر آف دی ٹورنامنٹ رہا، 2009 میں ٹرافی جیتی اور یہ میرے کیرئیر کے قابل ذکر لمحات ہیں۔
انہوں نے مزید کہا کہ میں 9 جون کو پاک بھارت میچ دیکھنے کے لیے پرجوش ہوں، یہ ایک دو بڑے حریفوں کا مقابلہ ہے اور نیویارک میں اس کو کوئی مس نہیں کرے گا۔
پاکستانی ٹیم کے سابق کپتان و آل راؤنڈر شاہد آفریدی کو آئی سی سی ٹی20 ورلڈکپ کیلئے ایمبسڈر منتخب کرلیا گیا۔
2009 ٹی20 ورلڈکپ فاتح ٹیم کے رکن و سابق کپتان شاہد آفریدی کے علاوہ ٹی20 ورلڈکپ 2024 کیلئے ایمبسڈرز میں بھارت یوراج سنگھ، ویسٹ انڈیز کے کرس گیل اور اولمپک گولڈ میڈلسٹ یوسین بولٹ بھی اس فہرست میں شامل ہیں۔
ٹورنامنٹ میں اپنی یادوں کی عکاسی کرتے ہوئے آفریدی نے سفیر منتخب ہونے پر کہا کہ میگا ایونٹ میرے لیے ایک خاص جگہ رکھتا ہے، افتتاحی ایڈیشن میں پلیئر آف دی ٹورنامنٹ کے اعزاز سے لے کر 2009 میں ٹرافی اٹھانے تک، میرے کیرئیر کے کچھ یادگار لمحات جڑے ہوئے ہیں۔
انہوں نے کہا کہ رواں ایڈیشن میں بطور سفیر شامل ہونے پر پُرجوش ہوں، جس میں پہلے زیادہ ٹیموں کے علاوہ دلچسپ میچز دیکھنے کو ملیں گے۔