سرینگر/۱۷مئی
مرکزی وزیر داخلہ امیت شاہ نے جمعہ کو وادی کشمیر کا اپنا مختصر دورہ مکمل کیا جس کے دوران انہوں نے بی جے پی اور مقامی سکھوں سمیت کئی وفود سے بات چیت کی۔
شاہ نے بتایا کہ جمعرات کی شام یہاں پہنچنے تھے جمعہ کی صبح نئی دہلی کے لئے روانہ ہوئے۔
اگرچہ جموں کشمیر میں لوک سبھا انتخابات کے درمیان ان کے دورے کی وجہ سے کشمیر میں مقیم مرکزی دھارے کے کچھ سیاسی رہنماو¿ں کے ساتھ ان کی ملاقاتوں کی قیاس آرائیاں کی گئیں‘ لیکن وادی سے رخصت ہونے سے پہلے وزیر کی مصروفیات کے بارے میں کوئی سرکاری بیان نہیں دیا گیا تھا۔
بارہمولہ میں 20 مئی کو ووٹ ڈالے جائیں گے جبکہ اننت ناگ راجوری حلقہ کے لئے ووٹنگ 25 مئی کو ہوگی کیونکہ خراب موسم کی وجہ سے اسے 7 مئی کے پہلے شیڈول سے ملتوی کردیا گیا تھا۔
بی جے پی کی جموں و کشمیر اکائی کے جنرل سکریٹری سنیل شرما نے جمعرات کو کہا کہ وزیر داخلہ کا کشمیر کا دورہ سیاسی نہیں ہے۔
انہوں نے کہا”مجھے لگتا ہے کہ وزیر داخلہ یہاں سکیورٹی نقطہ نظر سے اقدامات کا جائزہ لینے کے لیے آ رہے ہیں۔ کوئی سیاسی سرگرمی نہیں ہے، لیکن بی جے پی کارکن ان سے ملیں گے اور پارٹی کے تنظیمی امور پر تبادلہ خیال کریں گے۔
