امت شاہ آج شام سرینگر کے دورے پر پہنچیں گے

سری نگر//
لوک سبھا انتخابات کے درمیان مرکزی وزیر داخلہ امیت شاہ جمعرات کی شام سرینگر کا دورہ کریں گے۔
اعلی سرکاری ذرائع نے بتایا کہ شاہ کل شام سرینگر پہنچیں گے اور ایک رات قیام کریں گے۔
ذرائع نے کہا کہ اگلے دن شاہ سول سوسائٹی کے ممبروں اور بی جے پی کارکنوں سمیت مختلف وفود سے ملاقات کریں گے۔
شاہ کا سرینگر کا دورہ ایسے وقت میں ہو رہا ہے جب ملک بھر میں لوک سبھا انتخابات ہو رہے ہیں، تاہم بی جے پی نے وادی کشمیر کی تین نشستوں کے لئے کوئی امیدوار کھڑا نہیں کیا ہے۔
سرینگر لوک سبھا حلقہ میں ۱۳مئی کو چوتھے مرحلے میں۳۸ فیصد سے زیادہ رائے دہندگی ریکارڈ کی گئی تھی ، جو لوک سبھا انتخابات میں ۱۹۹۶ کے بعد سے سب سے زیادہ ہے۔
لوک سبھا انتخابات کے سات مرحلوں میں بارہمولہ اور اننت ناگ راجوری سیٹوں پر بالترتیب ۲۰؍ اور۲۵ مئی کو ووٹ ڈالے جائیں گے۔ نتائج کا اعلان ۴جون کو کیا جائے گا۔