دیہی آبادی کی ترقی سے ہی ملک ترقی کرے گا: تومر

نرمدا / نئی دہلی//زراعت کے مرکزی وزیر نریندر سنگھ تومر نے جمعہ کو کسانوں سے اضافی آمدنی کے لئے شہد کی مکھیاں پالنے پر زور دیا اور کہا کہ ملک کی تقریباً 55 فیصد آبادی دیہی ہے، جن کی ترقی سے ملک ترقی یافتہ بن سکے گا۔
شہد کی مکھیوں کے عالمی دن کے موقع پر یہاں منعقد ایک پروگرام میں تومر نے کہا کہ حکومت وزیر اعظم مودی کی رہنمائی میں ملک میں میٹھا انقلاب لانے کے لیے بہت سنجیدگی سے کام کر رہی ہے۔ مسٹر تومر نے یہاں ایک نمائش کا افتتاح کیا، نیز جموں و کشمیر میں پلوامہ، باندی پورہ اور جموں، کرناٹک میں تمکور، اتر پردیش میں سہارنپور، مہاراشٹر میں پونے اور اتراکھنڈ میں شہد کی جانچ کرنے والی لیبارٹریوں اور پروسیسنگ یونٹس کا ورچوول افتتاح کیا۔
اس موقع پر بات چیت کے دوران مختلف ریاستوں کے شہد کی مکھی پالنے والے کسانوں نے کہا کہ اس اضافی کام کے ساتھ ان کی آمدنی بہت بڑھ گئی ہے۔ وزیر زراعت نے کہا کہ حکومت کا مقصد چھوٹے کاشتکاروں کو بااختیار بنانا ہے، جس کو حاصل کرنے میں شہد کی مکھیوں کی پالنا جیسے زراعت کے ساتھ کام بہت زیادہ حصہ ڈال سکتے ہیں۔ انہوں نے کہا کہ ہندوستان کی تقریباً 55 فیصد آبادی دیہی ہے جس کی ترقی سے ہی ہمارا ملک ایک ترقی یافتہ ملک بن سکے گا۔