بی جے پی کے جھوٹے وعدوںسے لوگ تنگ آچکے ہیں، تبدیلی ناگزیر:عمر

جموں//
جموںکشمیر نیشنل کانفرنس کے نائب صدر‘عمر عبداللہ نے پیر کے روز کہاکہ یوٹی کی پانچ پارلیمانی نشستوں پر انڈیابلاک کے امیدوار کامیاب ہونگے ۔
عمر نے کہاکہ جن لوگوں نے جموں وکشمیر کو تباہی کے دہانے پر پہنچا دیا انہیں اقتدار میں رہنے کا کوئی حق نہیں ۔
این سی نائب صدر نے کہاکہ غلام نبی آزاد بی جے پی کے اشاروں پر ناچ رہا ہے ۔
ان باتوں کا اظہار عمرنے بھدرواہ کے مختلف علاقوں میں روڈ شو کے دوران کیا۔
عمرعبداللہ نے کہاکہ جموںکشمیر کو ریاست کا درجہ چھین کر یونین ٹریٹری میں تبدیل کرکے بی جے پی نے یہاں کے لوگوں کے ساتھ بہت بڑی نا انصافی کی ۔
سابق وزیر اعلیٰ نے کہاکہ پچھلے چھ سالوں کے دوران بی جے پی جموںکشمیر میں اسمبلی چناو کرانے میں ناکام رہی ۔
ان کے مطابق جموں وکشمیر میں کئی پر بھی ترقی نظر نہیں آرہی ‘بی جے پی کے لیڈران جھوٹے دعوے کر رہے ہیں۔
عمر عبداللہ کا کہنا تھا کہ آنے والے پارلیمانی انتخابات کے دوران انڈیا بلاک کے امیدوار کامیابیوں کے جھنڈے گارڈ دیں گے ۔
ان کے مطابق جن لوگوں نے جموں وکشمیر کے لوگوں کے ساتھ دھوکہ کیا انہیں اقتدار میں رہنے کا کوئی جواز نہیں ۔
نیشنل کانفرنس کے نائب صدر نے کہاکہ بی جے پی نے گزشتہ آٹھ سالوں سے یہاں کے لوگوں کو جمہوری حقوق سے محروم رکھا۔
عمرعبداللہ کے مطابق الیکشن کے دوران لوگ بی جے پی کی عوام کش پالیسیوں کے خلاف اپنی رائے دہی کا استعمال کریں گے ۔
آزاد کو ایک دفعہ پھر تنقید کا نشانہ بناتے ہوئے عمر عبداللہ نے کہاکہ آزاد بھاجپا کا حامی ہے ۔انہوں نے کہاکہ انڈیا بلاک کے امیدواروں کے ووٹ کاٹنے کی خاطرہی آزاد نے اننت ناگ راجوری پارلیمانی نشست سے امیدوار کھڑا کیا ہے ۔