بھلا نے جموں لوک سبھا سیٹ کیلئے کاغذات نامزدگی داخل کئے

جموں//
کانگریس کے سنیئر لیڈر رمن بھلا نے منگل کے روز جموں ریاسی لوک سبھا سیٹ کے لئے یہاں ضلع مجسٹریت کے دفتر میں کاغذات نامزدگی داخل کئے ۔
بھلا لوگوں کی ایک بڑی ریلی کی شکل میں ضلع مجسٹریٹ دفتر پہنچیں اور جموں وکشمیر کانگریس پردیش کمیٹی کے صدر وقار رسول وانی سمیت پارٹی کے کئی سینئر لیڈر ان کے ہمراہ تھے ۔
کانگریسی امیدوار نے اس موقع پر میڈیا کے ساتھ بات کرتے ہوئے کہا’’لوگ بدلائو چاہتے ہیں اور جموں وکشمیر کے لوگ بی جے پی کو منہ توڑ جواب دینے کے لئے بے صبری سے انتظار کر رہے تھے‘‘۔ان کا کہنا تھا کہ لوگوں میں بدلائو کے لئے کافی جوش و خوش دیکھا جا رہا ہے ۔
بھلا نے لوگوں سے اپیل کی کہ وہ ووٹنگ کے دن گھروں سے نکلیں اور اپنے ووٹ کا صحیح استعمال کریں۔
ایک اور پارٹی لیڈر نے بتایا’’جموں کشمیر کے لوگ یہاں لاگو تانا شاہی قوانین کا جواب ووٹ ڈال کر دیں گے ۔‘‘